منتديات دواوين الثقافية و الأدبية

تبدلات علي حروفي..........وتبان غير لي راها
يمكن حيت كتار خوفي ........والنفس زاد هواها
تشكلات غير لي بغيت........وبدات تبين فعيوبي
وقبلها شحال تغريت.........يمتى يا نفسي التوبي
بحور لكلام هاجت ............مواجها تعلات عليا
كاع يامي لي دازت .............مازال سطل ونية
ضحكات عليا بشي زواق..خضرات عيون الحالة
طولات الرمش بلصاق.....ورسمات بلكحل خالة
قالت لي بلحن حلمتو........وبين الكلمات جلاتني
حالي انا لي رسمتو..........وبيدي باش درباتني
ميلي على ضلام لفكار....وشعلي شمعة المعرفة
وريني بقياسك أسرار..تحركي بلميزان يا خفيفة
سيري علىأرض الحال....لاتجرك الغفلة معاها
تحزمي بمعاني تقال...........لهموم الكتابة دواها
.................
وهاني دخلت جحور لمعاني..وطلعت سلوم لكلام
نزوق لحروف بلعاني....نتصالح من بعد لخصام
ماشي لخاطري كنت نعاني..ولا خاطلي عشت لغرام
حاولت نقادها من تاني................لكن سبقاتني لحلام
مانيش ياحروفي زهواني......منيش فلحرام خدام
لكن صبري عياني..............ياريت نعاودو ليام
..............
الساكن دواخلي يقول.............وانا بالهم مكتوب
شي قال مسكين مهبول ....شي قال سطل مكبوب
راني بشي هم مشغول.........راني للحال منسوب
ساكت والشوف يقول..........راني بلشواق ندوب
بديت حياتي مسؤول......وخديت زادي من طوب
أمالك ياليلي بالطول ..........أمالك بارد محسوب
خليت قلبي محلول..............بيض حليب مكبوب
حفضت شارات القول........نسمع همسات لقلوب
كتبت عمري منقول........وتبعت طريق لمجدوب
.............
قالو فلكلام نعبر...............وانا مسكين ماداريش
جراحي هي لي تهدر...........راني منتوف الريش
هاجتْ مواجك يا لبحر.........مابين لسطور نعيش
فعماق لحال ننضر.................وساكت ماندويش
كلامي إلا شكيتْ سطر..........يكبر ينبتْ بحشيش
ندير ليه كتابي قبر.............أنصبر.......مانبكيش
مجدوب بكلامي نحضٌر..سخون يقطر أُمايحرقنيش

اشتقت كثيرا لهذا الكلام المرصع بقلم مبدع كمثل
الصديق محمد بوبكر،قد استمتعت بقراءة هذه
القصيدة المثيرة ،تألق ورقي أخي محمد.

اخي الحبيب الاستاذ محمد بوبكر شكرا على متعة القراءة لهذه القصيدة وجميل الكلام
دمت نجما متألقا فى سماء الابداع

الضريسي الباز حسن كتب:: اشتقت كثيرا لهذا الكلام المرصع بقلم مبدع كمثل
الصديق محمد بوبكر،قد استمتعت بقراءة هذه
القصيدة المثيرة ،تألق ورقي أخي محمد.

طلعتك بالدنيا أيها الصديق العزيز الضريسي الباز حسن
لك كل التقدير والاحترام

اخي الاستاذ محمد بوبكر
انت وحروفك نسمة عليلة
ابدعت واحسنت

بديت حروف المعاني ايام الحسن الثاني كان قلبي خفيف وهاني وايدي معمرة بحناني نقرا ونفكر اش خلاني بالزمان والعلم حقاني. كلمتك رنت لها مسامعي اخي بوبكر دمت للكلمة ودامت لك اخي الكريم.

سعيد محمودي كتب:: اخي الحبيب الاستاذ محمد بوبكر شكرا على متعة القراءة لهذه القصيدة وجميل الكلام
دمت نجما متألقا فى سماء الابداع

وأنت أحب عندي وأعز أخي سعيد محمودي
لك تحياتي العميقة

الحسن ولدالمسكين كتب:: اخي الاستاذ محمد بوبكر
انت وحروفك نسمة عليلة
ابدعت واحسنت

طلعتك أروع وأعز عندي أخي الحسن ولدالمسكين
لك تحياتي

الجرداني لطيفة كتب:: بديت حروف المعاني ايام الحسن الثاني كان قلبي خفيف وهاني وايدي معمرة بحناني نقرا ونفكر اش خلاني بالزمان والعلم حقاني. كلمتك رنت لها مسامعي اخي بوبكر دمت للكلمة ودامت لك اخي الكريم.

شرف لي مرورك أختي لجرداني لطيفة
بارك الله فيك
لك تحياتي

نغمة واشمن نغمة فْ هاذ لكلام السي محمد بوبكر،تبارك الله عليك وعلى حروفك.

قصيدة جميلة لقد استمتعت بقرائتها واستفدت منها بصفتي مبتدئة فشكرا ودمت مبدعا

نجاة احسايني كتب:: نغمة واشمن نغمة فْ هاذ لكلام السي محمد بوبكر،تبارك الله عليك وعلى حروفك.

بارك الله فيك المبدعة نجاة احسايني
شكرا على مرورك البهي
لك تحياتي

مسيعيد فاطمة كتب:: قصيدة جميلة لقد استمتعت بقرائتها واستفدت منها بصفتي مبتدئة فشكرا ودمت مبدعا

هدا من تواضعك أختي مسيعيد فاطمة
شكرا لمرورك البهي
لك تحياتي

» حروفي
» انا و حروفي
» خانتني حروفي
» حروفي(خربشات منتصف الليل)
» اعادة لزجلية..بيني وبين حروفي