قـصـة حـمـيـد الـمـهـبـول - فالـــدار -

وصلنا الدار ، حل الباب بشوية و نحنح
باش يعرفو لي لداخل بين هو لفتح
ملي دخلنا البيت ، حط على الطبلة تسابيح
كان عليها طبسيل فيه لوز وزبيب وتفاح
أوبالبرودية ، يقدر يديك نعاس وأنت مرتاح
هاد البيت ، سقفو عالي . بالشوفان عيالي عنقي
كوايزو من العرعار ، ولونها غادي القوقي
بابو زوج فردات،حتى هما منقوشين،تارو عشقي
أوعليهم حروف مكتوبين بخط شرقي
أما سراجمو ، كانو كبار و من الزاج لعراقي
قالي : مرحبا بيك وفراشك موجود فالفوقي
فهمني بين هاد الدار تولد فيها وورثها على جدو
عيط على بناتو . غير دخلو ، طاحولو على يدو
عرفتهم مرضيات ولمحبتو قربو يعبدو
قالهم:ديرو لنا كاس مكناسي بيقامة حميدو
أومتنساوش دوزو الزكروم ولباب السطح سدو
وقالهم:مجاش الطراح لي خليت الخبز عندو؟
قالت الصغيرة:جابو،وراه مزال سخون فالطبيقة
قالها:إو بطرو ، راني جاني الجوع فالحقيقة
قالت لكبيرة:كلشي واجد،أبا الحنين،صبر غيردقيقة
قالهم:عارفكم حادكات،تبارك الله،وفيكم التيقة
الله.كرشي نساتني ضيفي لي جا من بلاد بعيدة
راه مقطوع من شجرة ، ماليه امرة ولا وليدة
أوجا فطونوبلتو، باين عليها ماركة جديدة
أوخصنا نفرحو بيه ، حتي يدوز أيام سعيدة
أوعنداكو تنساو المروزية وزليفات السميدة
البنت لكبيرة جابت أتاي وحطاتو بحركة لطيفة
أوشوفتها ،المعبورة ليا ولباها ، كانت عفيفة
لحقاش كانو عينها محدورين . ظاهرة شريفة
كانت لابسا توب مغلوق مخيط بالسفيفة
يدها مغطيين وعلى وجهها لتام ومشيتها خفيفة
ملي مشات،من البراد عطات ريحة النعناع المكناسي
حيت شربت أتاي ،حسيت بالراحة رجعت لراسي
أو حل عيني أو نشطني وفيق نعاسي
أو سهيت،أو قلت واش لكبيرة عندها الزين الفاسي؟
لكن امراتي،الله يرحمها، مكانتش فاسية ؟
ولكن حادكة ورزينة وحنينة أو زينة السمية
كانت زينة الكعدة فالطبلة أو قدام الصينية
ضرت بها المغرب ، من أكادير حتي لسعيدية
رجعت بعقلي،أو قلت:حشومة علي،راني ضيف
أو فهضرتي وحركتي وتخمامي خصني نكون عفيف
راني عند فقي لبيب وعلى بناتو قلبو رهيف
أبا،الله يرحمو،وصاني على لهودي تعساك الشريف
إو الله يغفرلي ويسامحني ، راه هو بعبادو لطيف
نزلو لبنات لعشا وهما عطيني بالظهر
بدينا بصلادة خفيفة ، فيها حتى لمكور
أو من بعد،طاجين لمروزية مزين باللوز لمحمر
أو واحد أخور غنمي مطيب بالزعفران الحر
أو ثالث كتيف و قاطنة من لعجل مبخر
أو كملنا بالدلاح والعينب و كاس من ليم معصر
حكالي عيشتو أو تربيتو لبناتو بلا ميكرر
ونا على حياتي كلها حتى لمكتاب لي تقدر
دوزت عندو تلت يام ،نهار وليالي، بالتمام
أو زوجني بنتو للا خلود ، لي قبلات بلا تخمام
أوقررنا العرس من بعد شهر ، هو خر العام
أو رجعت لمدنتي فرحان و سعدان و فدي لزام

حــمــيــد الــصــنــهــاجــي

حكاية جميلة و مؤنسة أخي حميد،والجميل
في ذالك هو ختامها مسك.مزيدا من التألق
صديقي العزيز.

شكرا أستاذي العزيز الضريسي على الإجابة السريعة . لكن اعلم أخي أن القصة لم أختمها بعد و التي أتمنى أن تكون أكثر متعة .

سلام الله عليك رتحية مني إليك أخي حميد لا أقوى على مناداتك بالمهبول و إن كان هناك من قال إن الحقيقة تخرج من أفواه المجانين,
قد تكون مجنون الكلمة المعبرة والصادقة وقد تكون مجنون العبارة الولهانة بالإحساس المرهف والبحث عن القرار ,كل هذا جسدته ببراعة وفنية فريدة من نوعها زادها السجع واللحن قيمة قلما تجتمع في القصائد الزجلية فمزيدا من العطاء في هذا الركن دون إغفال نصيبك من الإبداع في الشعر ,أخيرا أتمنى الوصول إلى مبتغاك قريبا إن شاء اللــــــــــــــــــــــــــــــــــــــــــــــــــــــــــــــــــــــــــــــــه
ونحن معك نساير هذه القصة التي أعتقد أنها لازالت طويلة واصل,

اخي الكريم الاستاذ الفاضل حميد الصنهاجي بحق وبدون مجاملة انك
بحر كبير ملئ بالأسرار و كل جديد
الإبداع صفة أساسية من صفاتك
مع خالص احترامي وتقديري لك أخي

قد استمعت لهذه الومضة الرائعة مختصرة
ودالة،جميل ما جادت لنا قرحتك به أختي
سعاد فايز تحيتي لك.