تقال هم الحرف عليّ ثقال
ما تليت عرف نشرق ولا نغرب
فيه الدا والدوى لسقام الحال
بيها نلملم جراحي ف القلب
مع ناس العرف لي د الوقت قلال
واللبي غابر غالي ك الذهب
مع كثرة الظلم الصبر ولاموحال
والقاطع البحور لا بدليه ما يتعب

غير ساعف..مع الحرف.

يلا حرن..

بالطافه طلبه.





يلا حن يجيك بزوله حلبه

ولا حرن

اعطيه بالتساع..

راه يغلبك

ماتغلبه...

الحرف عسل الكلمة.

عصر الدماغ

تسيل الحكمه...وماك من بير خيالك جلبه

طلق قيد الكانه على ربعه

كل دماغك عل شبعه

حط حسابك فوق لحساب..

زائد ناقص..

دير فيدك مقص..

وفصل لقصيدة...

حن يا عثمان لا تمحن
يا صاحب كن وتهدن
لي طلع البرج استغنى
وتطن
ولي نزل بيرتغما
واتَّسكن
الله يكون ليا وليك
عوين
يبان الضو وتفاجا
القلب لحزين

محمد بوبكر كتب:

ما هجرت لكلام
نقاد ليه لحروف ونفرّش
مرّ نزوْقو بغرام
مرّ بالمعنى يتحشّش
لا تطوليش عليّا لخصام
راني فعتابك مامطوّلش

الكلام علام .. الى ما هجرت يهجرك
الكلام حلام .. الى ما قهرتو يقرهرك
الكلام سلام .. الى ما أمنت يغدرك
الكلام خصام .. حرفو طافي
الكلام طعام .. خبزو حافي
الكلاك .. ما عين صافي
////////////////////////
يا بوبكر ..
كمل الكلام ما تخليه اتيم
راك تدي من عند الله اجر عظيم
فجج على قلبك ما تخلي فيه الضيم
ولا تخلي عقلك ف مروج المعاني يهيم

يا بوبكر
غي فهمني
هزيت هم الحرف
ولقيت راسي
هاز حرف الهم
تودر لي العرف
ورميت فاسي
داريت وما بغيت نفهم
خفت لقى راسي فالشرف
طافي ماسي
عليل فالماجع لسقم
يا بوبكر
غي فهمي
والى لحقت المعنى لا فايدة فالتكرار

سمحو لي دخلت فكلام لكبار
ريحة حروفكم جراتني لباب الدار
و أنا مسكينة حبلة بحروف يتيمة
نتوحم على حروف لقصيد
التالفة وسط زحام لمدينة
وشكون يدلني على طريق
لي ترجع لحرف لبيت لقصيد

اسماء مثلا كتب:

سمحو لي دخلت فكلام لكبار
ريحة حروفكم جراتني لباب الدار
و أنا مسكينة حبلة بحروف يتيمة
نتوحم على حروف لقصيد
التالفة وسط زحام لمدينة
وشكون يدلني على طريق
لي ترجع لحرف لبيت لقصيد

أسماء
مرحبا وألف مرحبا
الدار دارك وما حنا جيرانك
حرفك ازيد زواق الرحبة
ويطفي عديانك

ترحب بيك الجنة يا عثمان
أنا ضيفة و أنت مول لمكان
دزت هنا كي نسمة خفيفة
نبصم حضوري بكلمة لطيفة
ماني علامة ولا زجالة
أنا روح سارحة فظلام الليل
تقلب على خيوط الضو

لهلا يخطيك أخويا بوبكر
حضورك منور لمكان
و حروفك معاني ووزان
تسافر بينا لعمق الوجدان
تنبهنا لغلاطنا
و ترعنا لطريق صواب
خليك ديما جنب حروفنا
تنورها لظلام الحال

قلت الحرف حمام طاير ف سماه
به نكبر ويعلى شاني
قلت الحرف هم ندوقو محلاه
نرصع به كلام المعاني
قلت الحرف سيف ناطق بمضاه
به نهزه ظلام سكن عدياني
....
ا

اخي العزيز عثمان حسيني اخواني أخواتي
سلمت الايادي الطيبة
في الابداع والتواصل المستمر
في نشر الجديد والمفيد
أُحييكم على الابداع الرائع والمميز
تحياتي لكم

سعيد محمودي كتب:

اخي العزيز عثمان حسيني اخواني أخواتي
سلمت الايادي الطيبة
في الابداع والتواصل المستمر
في نشر الجديد والمفيد
أُحييكم على الابداع الرائع والمميز
تحياتي لكم

تحية حية مردودة ليك
رخف علي ورخف عليك
يا سعيد
أش تقول فهم الحرف لي يضنيك
جوبني بكلام القوافي
بالمعى والحرف الصافي

هاني جيت
جابني "هم الحرف" ثاني
حتى قلت عييت
ولقيت راسي ف البحر وحداني
تهت ونسيت
بأني مع الحباب ماشي مع البراني
.....
انا القايل فقيدة التيه :

بغيت نخرج من بحر القوافي
نتمرد ونتيه
نخرج من ضيق التيه
نخرج من عباية المكبل لسانو بيديه
نحرق الحرف وبجسدي نفديه
عليه بكيت وبكّيت لكلام عليه