الحرف وْتخمامو

سوَّلني لحرف
علاش للدمعة ندْرف
للهم نكشف
البسمة م الفم
نخطف
واش بديت نْخرَّف
بالليل بالنهار نهَتْرَف
ولّى صبحت مْوَلَّف
كلامي يْطَيَّب
لقلوب
يخلي الدموع
ف جْفون تذوب
لا تكُولوا عليا
مجنون
عزيز عليه الغم
وبه مفتون
تمنيت نكون
بحال قراني
نشطح ونغني
للشؤم آآآآش دّاني
للصراخ ولقهرة
نْسد وْذاني
نكُول ما عليش
ما شغليش
ما شكماني
نهيم بالعشق ولغرام
نوصف لخليلة بالتمام
لَ خيالي نْحَلْ لحزام
يركب خيل بلا لجام
مرة يعانق
مرة ينافق
يسبح ف ليالي
الف ليلة وليلة
يغرد مع كل مغامرة
تغريدة
زيد ...وزيد..
تزهى ليه التعويدة
عذروني ياناسي
خاطيني لكذوب
نفصل على قدي
الثوب
كلامي ما هو
على هوايا
ما نا غير مرايا
نعكس ما نلقاه
حْدايا
ما يتگال في
كْفايا
ما نخبي حاجة في
جوايا
تخمامي كلو ف
الدنيا
وبيه نتهنى في
سمايا

نجاة احسايني 27/2/2014 وجدة