يا عقلي يا التالف يا المهبول
مالك امقابل هذا اش دار وذاك اش اقول
مالك ياعقلي مخلي فمك محلول
واش معرفتيش المثل اش كيقول
الذبانة ما تدخل غير الفم المحلول
بارك عليك مااتعيش منبوذ و مذلول
وتجمع في الدنيا شلا من اذنوب
يا عقلي يا التالف يا المهبول
قم اسجد وثوب لخالق الوجود
في هذا شهر مغفرة الذنوب
لا تكون لعين ومخبول
وا ثبث راسك بالكذوب
راه ما ينفع غير المعقول
راه القمح ما يجي غير من اسبول

أختي الفاضلة فتيحة رشاد
شكرا لك أختي على هده الزجلية المعبرة
لك أختي أفضل التحيات ومزيد من العطاء
تحيتي

شكرا اخي العزيز
محمودي سعيد
على المرور البهي
لك منى ازكى الشلام

سلامتك عقلك ولسانك اختي فتيحة

عواشرك مبروكة وتقبل الله منك و منا صالح اعمالنا

الاخت فتيحة رشاد مشكورة اختي على هذ الزجلية


وعواشر مبروكة تحياتي

[quote[center]="فتيحة رشاد"]يا عقلي يا التالف يا المهبول
مالك امقابل هذا اش دار وذاك اش اقول
مالك ياعقلي مخلي فمك محلول
واش معرفتيش المثل اش كيقول
الذبانة ما تدخل غير الفم المحلول
بارك عليك مااتعيش منبوذ و مذلول
وتجمع في الدنيا شلا من اذنوب
يا عقلي يا التالف يا المهبول
قم اسجد وثوب لخالق الوجود
في هذا شهر مغفرة الذنوب
لا تكون لعين ومخبول
وا ثبث راسك بالكذوب
راه ما ينفع غير المعقول
راه القمح ما يجي غير من اسبول [/quote]

اختي فتيحة رشاد
الله يرد بينا جميع لطريق الصواب
تحياتي الخالصة
وكل رمضان وانت واهل هد المنتدى بالف خير[/center]

شكرا اختي الكريمة
امينة منيب
على مرورك البهي
وكل رمضان وانت بالف خير
عواشر امباركة مسعودة
عليك وعلى لعزاز عليك
قبلاتي ومودتي

الى الاخ الكريم
عبد السلام البعليوي
فينك طالت الغيبة
شكرا على مرورك الذي اعتز به
وعواشر مبروكة
ليك ولجميع الاهل والاحباب

لا تخليني يا خيي نتغر
ويلبسني الغرور والكبر
ونبدى نكتب بلا ما انفكر
ولكلام وسط حروف كلامي يتبعثر
يولي مسوس مانعرف خاصو ملح اولا سكر
وما نولي ما نعرف اش انقدم ولا انوخر
واهل دواوين كلشي يغادر وينفر
ومن مساهماتي جوهم يتعكر
قول لي كلام على جهد عرفي واختاصر
الى اصحيح كلامك ومنطوق بلسان حر
انا اليوم كلامك غادي نختصر
ونقول الله يجبر ليك الخاطر
وفي نصائح اهل دواوين انتظر
وبفضل كرمكم حثما سوف انتصر
لك كل اخوتي
واسمى متمنياتي
يا من اجبرت بخاطري
مودتي الدائمة وعواشر مبروكة

تحيتي من اجمل مشموم ورد
ومن احلى زجاجة عطر اختار
وابعتها للاخ العزيز المختار الافغيري
الله يغفر لينا
ويغلب اللهم حسناتنا على السيئات من اعمالنا

عيد مبارك سعيد مع كل المتمنياة لك بالصحة و العافية

توحشت لكلام لمغلف
و غلافو مساعف
توحشت لحروف السايحة
و لقلم لي يبوح
و ما يخلي النفس خايفة

تحياتي أستاذتي
دامت لك محبة الحرف و الكلمة
منصور لعميري

اهلا بالاخ
والابن الحبيب
منصور لعميري
فينك يا خيي وفين طال غيابك
قلبي افرح ملي جاني مرسالك
قلبي اشتاق للاحباب امثالك
شكرا على الحرف الامين
لمنتدى دواوين
وعواشر امباركة مسعودة

الى الاخ الكريم المحبوب ابراهيم الرامي
لك مني كل الحب والاحترام
كلامك يفرح قلبي ووجداني
كل ما مررت من امام كلامي
وتشجيعك لي غاية كل مبتدئ في هذا المجال
فلا تبخل علي وانتقد وانصحني في كل ان
عواشر امباركة مسعودة لك
ولكل اهل العرائش

شكرا اخي الكريم
بنعيسى الحاجي
وشكرا على مرورك البهيي
وانا في انتظار توجيهاتك ونصائحك
تحيتي ومودتي الخالصة