زينب اوليدي
شحال من ضحكة
رواتها ايامي
وانا في ايام اخرى
متلفاني
شحال من فرحة
غزات هذ ليام
وديك الاخرى
والقرعة في مشيط السوالف.......
تمدها حبال على كد لحاف
ولحافي قصوه لكوالة...
نسيت كيفاش وامتى نضحك
حتى يبانو ضراسي.............
نفرك من الهم
هموم
ونغزلو على شنايف قلبي
دم
ومن رموش لعين
دموع
و
الحكرة
غير نقزو داك لحيط
يكولو هما
وانا نكول
الحيط ساسو غزيل لمعنى
عمروا ما يتساس
لول بفاس التهميش
كن كان
عقلي ينفعني
منكون كوالة
كن كان
عقلي ينفعي
ك راني سفيرة لمحبة
بين لحرف وخوه
كن كان عقلي ينفعي
نكون سفيرة الكلمة بين............
وبين........ وبين .............
ولا ضر لخواطر .......بفني لمحبة
كن عقلي ينفعني ...........ك راني ميت لعاصر
مايدي ما يجيب في لخاطر
كن عقلي بينفعني
ندي قلبي لعقلي
يدردحو من لمحنة
حتى يعود قاصح
كن عقلي ينفعني
نزمم من لحرف نغمة
على وتلا لكناوي
ولا دمعة نسقي بيها وراقي
حتتى تهرى وتمحى سطور تزمامي.....


يتبع....................
هي هلوسات الحكرة كتبتها بدم لقلب هنا ولهيه تقبلوا حرفي الدامي
حقوق الطبع محفوظة لان الديوان قيد الطبع

شحال من ضحكة
رواتها ايامي
وانا في ايام اخرى
متلفاني
شحال من فرحة
غزات هذ ليام
وديك الاخرى
والقرعة في مشيط السوالف.......
تمدها حبال على كد لحاف
ولحافي قصوه لكوالة...
نسيت كيفاش وامتى نضحك
حتى يبانو ضراسي.............

الاخت الفاضلة المبدعة زينب اوليدي
سلمت الانامل التي خطت هذاالابداع
شكراً جزيلاً لك
وبالتوفيق الدائم