مباركة شكور

لحروف اعزارا

اجبد لمخبي فگاع
لخوابي
من لكلام محربل
سلهامي
عريس امعزري ف
جلاب بزيوي
گول وجبد من جوف
القلوش
گول يا دگاگ
المهراز
دگ الشگوگ لراسي
ريحان
بابونج وحرمل ورد
لعراصي
گول بالحرف يا الرَّشگ
فالجناب أنخاصي
مالك الراگد ليا فيا مطوي
ف نعاسي
زلعتي زعزعتي
لقوافي
مشبط ف طرافي جلالي
مجرورة
عبايني مدربلة مرخي
تشماري
وحق الگارة
حتى نزرع لحروف
عزارا
الكلام فالگاعة ع المعنى
يتبارا
وحروفي حجرة والدة
مزررة
بنادم بين الحجرة والطوبة
الكلمة بعبارها
محسوبة
ف لساني سرّيفة وحق
حروفي
حتى ننشر يزاري على
ظل لمواسم
ونحصد كلامي وندرس
سبوله
وندريه يطير غباره
ونعجن المعاني خبزة تراري
بالگرصة

اتبارك الله اعليك

بارك الله فيك يا أختي في الله وحبيبتي ف الكلام