يا عاشقين لحروف


يا عاشقين لحروف
لله قولو ليّا
واش كتابة لحروف
نعمة ولاّ بلية ؟

قلت ل قلام
بعّد منّي
قالّي:
ما عندي عليك فراق
أنا ليك
وانتي ليّا
حتى الموت
ما يبعّدك عليّا
وِيلا متّي
نبكي عليك
وعليّا

قلت ليه:
حبابك كتار
وعشاقك كتّاب كبار

قالي:
واش تقدري تفضّلي
الليل أو النهار؟
حتى واحد فيهم
ما يجي فبلاصت لاخر
كلهم عزاز عليّا
بحال صبيعات يدِّيّا

قلت ليه:
يا قلام بعّد عليّا

جاوبني:
بعد مّا ولّفتك
بغيتي تهربي علِيّا
علاش سمحتي فِيّا ؟
ياك رب العالمين
علّم بِيّا
هانا
عِيريني يدّيك
وخلّيني
فمواج لحروف ندّيك
أنا نكتب
ونتي عينيك تشوف
ولّي خطّاتو لحروف
يصبح سرّو مكشوف

لله يا عاشقين لحروف
قولو لِيّا
واش كتابتهم نعمة
ولاّ بلية ؟


ــ سعاد فائزــ
11-09-15
20h 45

اميرة الزجل و الاشعار
محبوبة الورد و الازهار
عشاق حروفك كثار
يقراو ليك بالليل و النهار
لقلام عشقك و بغاك
هو ديما عايش معاك
لله لا تبعدى منه
بعدما بكى و ترجاك
الاستاذة سعاد فايز جميل ما كتبت لولا القلم لضل الانسان جاهلا
تحياتى الخالصة

محمد منار

جميل جدا هذا الالتحام مع الحرف...

صراحة كنت قد كتبت زجلية بعنوان ..الميت ف الحي...
فانت الان..تصيغ ه>ه الزجلية بنس الاحساس ...
صراحة ..لا يمكن الا ان اشجعك..
تحياتي لك اختي فايز على هذا المجهود..

عشق الحرف
سومو غالي
كلها ينتف
ينتف منوطرف
شي واخدو
معنى وحكمه
وشي خداه
ردود وصرف
تحيتي الخالصة لك أختي سعاد
على نشاطك الدائم.

أختي الفاضلة المبدعة المتألقة سعاد فايز
رائعة هي كلماتك كروعتك ودائماً تأتينا بكل ما هو جميل ورائع
لك تحية من صميم قلبي

الحقيقة أستاذتي هي نعمة وبلية جميل جدا ماخطته أناملك من اجل الحرف ومن أجل القلم الرائع الذي هو

صديقنا في كل لحظة عابرة

شكرا لك التحية ويسعدني مروري المتواضع

الشاعر طارق أمغار كتب:

الحقيقة أستاذتي هي نعمة وبلية جميل جدا ماخطته أناملك من اجل الحرف ومن أجل القلم الرائع الذي هو

صديقنا في كل لحظة عابرة

شكرا لك التحية ويسعدني مروري المتواضع

أخي الشاعر الشاب
طارق أمغار
أشكرك لمرورك الجميل
تحياتي