فكرة صائبة وأتمنى حسن المشاركة وهي كالآتي:
شحال سكت وسديت فمي
وشحال تعدبت ونزف دمي
عييت ومليت واكثر همي
واللي معاه بسيف قلال كلامي
لما هضرت غدرني ورفض كلامي
تكلم تكلم تكلم قبل ما تندم أو تندمي

مرحبا بك الغلية حفيضة نسيم
قد أطلت عنا الغييياب
حبدى لو تعيدي أبياتك السابقة على نفس القافية التي اقترحتها
لك تحياتي أختي العزيزة[b]

.........................................................


تبارك الله عليك الزجال عبد العزيز زكي لم تحد عن القياس ولا القافية وجئت بأبياة
جميلة
سأنظر عودتك
لك كل تقديري

فزمان الغفلة
كان السكات حكمة
يعز مولاه
ويرفع الهمَّة
اليوم السكات هَم
به تقلال النعمة
وتغيب البسمة
أتمنى أن أوفق في المشاركة بهذه الكلمات البسيطة التي بها اقتحمت مجال الزجل

ياك ما شفتوني ساكت زعمة
وقولتو هدا غافل نايم
ونا نوقف فالحلق الضغمة
ونزيد الحر لصمايم
اتمنى ان تروقكم مشاركتي عزالدين بلفقيه

سـكـت حـتى عـيى و نطـق بـكـلام
حـيـن سمعـتـو خلاني ساكـت عـام
لـولا الـديـن مـا نـقول حتى الـسلام
كلامـو حـق، بـنادم ولـى جــــــــذام
يـلا نـهـيـتـيه يـردك ولـد الـحــرام
فـين الأدب ،فـين العـفـة و الاحترام؟
هـا عـار اللـه ، واش نـديـرو لـجــام ؟

سكات هم
فدواخلنا زاد تأزم
وخريفكم غم
يا ساكت بين الخوف
لازم تضهر وتكلم
سكات يطيح مولاه فالذل
تكلم يا ساكت
وبالكلام حكم


تحياتي
الشاعر أبوالغضب

الئ الاخ زكي
واش ما عجبك كلا مي
ولا كلامي فيه الشوك
راك زيرتيلي عظامي
بقيام السداوة محبوك
ماني قرشال نبكي يامي
ماني ناعورة ماني عبد مملوك
غير وكان بغيت نشارك بقلامي
صحاب الجدبة فكلام مشروك
كان هادا حلمي ف منامي
نتمنى شي نهار نسمع مبروك

[b]كلام العقال بالذهب يتوزن
قلايد صايلة بزينها وبهاها
والحكيم فناسو فيها يتفنن
الكلسة حداه فايدة ونزاهة
يا لغافل الحكمة تعلي لمقام
وتخلي الصغير يآمر ويحكم
وزين لقوافي خيل ما تتلجم
تقطع الصحاري ولبحورالتايهة
وترسي عند اللي بالغمزة يفهم

قالو شي سكات حكمه
ومنو تتفرق لحكايم
لكن فشي سكات نقمه
وبيه دسرو علينا لبهايم .. .......... ......................... محمد بوبكر
شربت من كاسه جغمـــــة
رمقة من سحور الصايـــم
وعرفت ف سكاتي رحمة
تخلي جمل عاري نــــــايم .......................................... عبد العزيز زكي
مالنا تربينا عالغمه
والخوف مخلي فينا لمعالم
الى كان فشي سكات حكمه
فلي ما يعرف مايقول ما فاهم
لكن كلام العاقل نعمه
يوعي وينصح..راه عالم
الساكت على حقو بكمه
وصمه..وتدوسو لبهايم ............................................... محمد بوبكر
زواق لكلام نجمة
تخلي لعقل هايم
تحفر قبرو ف الضلمة
و من ليلتو يصبح عايم
طافي على وجه الما
ناسي بللي كان بنادم .......................................................... سعاد فايز
بالي ا سكات ظـــــلمة
ف الحق ماقام بــــلازم
لعقل ميْزو ربي رحمة
بين البــــكمة وبنـــــــادم ............................................. البعليوي عبد السلام
ياك ما شفتوني ساكت زعمة
وقولتو هدا غافل نايم
ونا نوقف فالحلق الضغمة
ونزيد الحر لصمايم... ...................................... عزالدين بلفقيه

باللسان ميزنا الله عل البكمة
انصاوبو لخواطر وانشهدو باللي كاين
راه اللسان غير لحمة
يتبرى منك حر اصمايم
خود مني ياالغافل كلمة
كلشي عند الله باين
كلامك يكون رزين همة
وما يهمك تشفي لغلايل
قابل اعدوك بالبسمة
ولسانك ربطو اربيط البكمة
راه الصبر قبل اسكات حكمة
ياللي في هم الدنيا هايم


اتمنى ان اكون في المستوى المطلوب وتحيتي للجميع
اختكم فتيحة رشاد

محمد بوبكر كتب:

ما أجمل أن نتشارك كلنا في زجلية واحدة
نسجل أبياتنا وفي الأخير نجمعها في قصيدة واحدة
وحبدى لو يشارك كل شخص أكتر من مرة
الدعوة عامة لكل الأعضاء
وسوف أقترح الموضوع


قالو شي سكات حكمه
ومنو تتفرق لحكايم
لكن فشي سكات نقمه
وبيه دسرو علينا لبهايم

انا حلمت حلمة ///نترجى تحقق فقسايم///تهلاو فديك الحرمة///وماتركوه فالهم هايم///مالكي ياديك الصمة///خلي الرجل مصلي قايم///الله عطاه ليك نعمة ///وللايام والعشرة صاين ///طريقو طريق الرحمة/// وعارف كثير نقايم///عندو فحياتو كلمة///ولكثير الايام صايم///يحب الكبدة والشحمة ///و يجمع الحباب فملايم///كاتم فقلبو كتمة///وللحب والخير رايم///

نور لعقل نعمة
اعطيت الله الدايم
الجهل اسدالت ظلمة
اتخلي الجاهل فاجهالتو هايم

الله عطانا قسمة ///تفيق الانسان النايم///جدورك جدور كرمة ///ولعقل لانشطاين///لاتكون فحياتك بكمة///فالهم تصول عايم///