www.youtube.com/watch?v=QBCzHNSQvAk

يا من فحرفتي شريك
لاش تعديني ونعديك؟
مغادي تعطيني
مغادي نعطيك
را العاطي الله
غيروكان سمع لي
ونسمع لك
گبل ما يگولو علي
ويگولو عليك
الله يرحم
والدّايم الله
غتّ لّي تكسب دهم؟
تبورض عليه وتفهم
غتّ لّي علاّم؟
ما شتيش فلان
وفلان
وفلان؟
ولاّ حيت لُمْ
ما هيّاش في العرس
نبات أنا بلا كلام؟
وما عدّيش الحق نغمّس
بلحق لخماج
غا خماج
وخّ يتّدهن
بلعسل وسمن
سمع لي
مگال لي
واحد لهيه
على واحد هنا
وهنا
ولهيه
مخلّيت فين لگيتو
ومخلّيت فين عطيتو
للفم
للشّاكلة
لجدّارت لودن
شحال من دقّة للنّيف
وتلّگمة
ما گرّت فيه
وگرّت فلبكمة
راه مكاين ما فضل
ملّي تشوفو النّفس
وتسمعو وتعقل
گبل لعوينة
ولودينة
يخلّي الدّنيا زوينة
وبنينة
أمّا لّي كالو العتروس
في الكوزينة
تيحطّو حشاكم
في الكبينة
إوا سمع لي
ونسمع لك
مغادي تعطيني
مغادي نعطيك
را العاطي الله

ها العار يا بو گعبوب *** إمتى خلاص غادي تّوب؟
غماجي راخي ودنيك *** غمسرّي راخي ودنيك
ناري ودنيك شحال كبار *** تيزيدو نهار على نهار
هدا حال محال يعجب *** تا بوفرقش وبومخلب

كتمشي غنيشان ملجّم *** ما ت جار غمجرور
ديما ضاحك ديما مفرّك *** يحلا لك تعيش محگور
غدايز تشم وتشمشم *** على دبّانة تولّي حنگور
ما تقدر دگول يعميه لاّ *** الدّل فوگك راكب ودور

ياك گلبك زاد ميّت *** من زمان صدّا وتفرتت
ياك حتّى الرّبوز ينفخ *** يكوي بالنَار لدين وبُخ
وت معدّك والو نفس *** كدّير أودّي تحس؟
فعيشتك ديك الطّايحة *** من على ظهر بغلة جايحة

مالك لوجه لّي يحشم *** حيت عدك منّو سبعين
كل مرّة تظهر في حال *** كتبدّل من حين لحين
لحم خوك وخّ يخناز *** تزيد تعضّو عضّة واتنين
دّگو كالحنّة بالمهراز *** ومتگول خويا مسكين

صايط لك فودنيك الرّيح *** متنبّت بلادك غشّيح
مالك أصل ولا مفصل *** باغي تعمّر گربة تسيح
حاجة وحدة خصّك تفهم *** راه ميصح غصحيح
لا بدّ يجي نهار تندم *** ما تهز ندامة لّي طيح

ما خسرك لّي ميعرفك *** القلدة هي هديك وشلاغم
تعيا منّك تلهدرة *** ما يعيا لك داك الفم
وا صنطيحة بعدا هي عدّك *** تنطح بها الصّح أتّهدم
سير شوف على من تقرا *** زابورك يا شككيم زُم


يا عفّت جميع نسا ورجال *** ما بقى لك ما يتگال
أش عدك ما تگول؟ *** هز بعدا غسّروال
راك في سوق دلالة *** ما تسوى والله متقال
أنت محال تكون بنادم *** وحق ربّي المعبود محال

ها لمراية شوف الكمّارة *** رها فسكاتها هدّارة
تگولك خنشوشك زرگ وتقروش *** كلحم الجّيفة كلهنكارة
شحال من ظهر تحمّر وتجمّر *** أش الفرق بينك وبين القمّارة؟
مشيتي فيها حبل وبونت *** فلخوا الخاوي طلقتي لعمارة

تفو الله يخليها سلعة *** ما ولدت فيك مّك غلخلا
حرامي ملگط وخّ بّوك *** بلحق ما نخسر عليك دفلة
أش قضيتي؟ واش بوكرتي؟ *** ياك لا عنب لا سلّة
تعيا متشكّم وتعيا متزمّم *** أنا راه ما نگول غلاّ
لاّ
لاَ

لا لا ماغاديش نقول .....خايبة
راها زوينة بزاف
اوصافي........

أخي واستاذي العزيز عبد الرحمان الوادي
متعتنا بزجلية رائعة و تعبير راقي مصحوب بصور فنية لها معاني و دلالات عميقة
شكرا جزيلا أخي على هذا الابداع والامتاع
ننتظر منك المزيد بكل شوق
دمت لنا قلما مميزا

ها لمراية شوف الكمّارة *** رها فسكاتها هدّارة
تگولك خنشوشك زرگ وتقروش *** كلحم الجّيفة كلهنكارة
شحال من ظهر تحمّر وتجمّر *** أش الفرق بينك وبين القمّارة؟
مشيتي فيها حبل وبونت *** فلخوا الخاوي طلقتي لعمارة
تبارك الله عليك السي عبد الرحما
(قولي منين تتصيد هاد لكلام )
تحياتي

ههههههه جميل
الله يواتيكم مع يعضياتكم

الاخ الجليل
عبد الرحمان الوادي
ايوا اشكيكيم واش من اشكيكيم
غير الله ينجينا ونجيك
واش غادي انكول ليك
غير اللي كال اعليا يكول اعليك
اتبارك الله اعليك
تحياتي وتقديري
اختك فتيحة رشاد

انا لازلت معكم في بدايتي٫٫٫٫لا يسعني الا ان انحني اجلالا لسي عبد الرحمن الوادي٫٫٫٫انه مفخرة

[center][b]تبارك الله عليك السي عبد الرحمان الوادي
هاذ الشي ( تبارك الله) ما كانش ف راسي
أخوكم محمد حلوبي[/b[/center]]

عبد الرحمن الوادي كتب:

محمد نجيب المنصوري كتب:

انا لازلت معكم في بدايتي٫٫٫٫لا يسعني الا ان انحني اجلالا لسي عبد الرحمن الوادي٫٫٫٫انه مفخرة

الانحناء باجلال لله سبحانه وتعالى وحده أسي المنصوري حنا نبغيوك غير تشوف شي طريقة باش تبقى تدوز لنا من خلف الشاشة بلا را بلا شا.

خويا ٫٫٫٫٫الانحناء ليس ركوع او سجود٫٫٫بل هو حركة تعبر عن احترام جندي صغير امام قائد في نفس ميدانه٫٫٫وكل وميدانه٫٫٫٫لم انساك بجانبي ونحن نغني ٫٫٫اغاني الغيوان٫٫٫التي تعلمنا منها الكثير٫٫٫وسنلتقي٫٫٫ان شاء الله٫٫٫استاذنا العزيز

عبد الرحمن الوادي كتب:

محمد نجيب المنصوري كتب:

عبد الرحمن الوادي كتب:

محمد نجيب المنصوري كتب:

انا لازلت معكم في بدايتي٫٫٫٫لا يسعني الا ان انحني اجلالا لسي عبد الرحمن الوادي٫٫٫٫انه مفخرة

الانحناء باجلال لله سبحانه وتعالى وحده أسي المنصوري حنا نبغيوك غير تشوف شي طريقة باش تبقى تدوز لنا من خلف الشاشة بلا را بلا شا.

خويا ٫٫٫٫٫الانحناء ليس ركوع او سجود٫٫٫بل هو حركة تعبر عن احترام جندي صغير امام قائد في نفس ميدانه٫٫٫وكل وميدانه٫٫٫٫لم انساك بجانبي ونحن نغني ٫٫٫اغاني الغيوان٫٫٫التي تعلمنا منها الكثير٫٫٫وسنلتقي٫٫٫ان شاء الله٫٫٫استاذنا العزيز

شفتك ما قلتي لي والو على الفحص من وراء الشاشة باش يبقاو الدواوينيين دائما
في صحة جيدة

الا ما شفت والو ف الشاشة نجرب غبيرة للا شاشة