[center]ازمان
واش من ازمان
لوقت
حرش الساعة
تحضيني
باعكاكزها
لمشياها على اهواها
هي احديدة
امفصلها انايا
انا لحم ودم
ديما نترجاها
انشوفيها ما تحشم
للخير نكارا
توقف
انحن فيها
نزرع الروح ليها
ناسياني
ديما
مزرباني
ماتنفع فيها احزارة
ناشرا ظلها اعليا
ف افياقي
واركادي
اشغلها دوران بين النماري
اتوصل الشمس لمركدها
وتراري بالليل
يلوح فجر اجديد
ازمان
يا ازمان
يا لمغلب لحديد اعلينا
بلذات غاوينا
عل انفوسنا لاهينا
يا لمنسينا ف احبابنا واللي لينا
احضيت الساعة
لمكبلاني امواريها
دارت
دورات
اتلاقات لمواري
امشات امعاها الروح وجات
اضربت الفكدة ف راسي
اتذكرت
اتذكرت
الساعة ل بلا امواري
اضربت الفكدة ف راسي
اطرحت السؤال
ياك
الساعة
ساعة
اللي ما يسهى ولا ينام
ساعة الحق
حتى شي ما يزهق
كلشي بالتمام
ياك الدنيا زايلا
تحمى الكايلا
تتلاقا اسما مع لرض
ويغرق انهار ف اظلام
تشعل افتيلة
افتيلت الروح
تضوي لقبر لمضلام
كيتي يانا
التابعا ساعتي ف اهواها
وقفت موري ذاثي
زعزعت الروح
اتسربت لحزان
ركبت اعقيق ليام
اعقيقة اعقيقة
لقيت
حتى القيت
ظلم وبهتان
لا صلاة لا صيام
جحد وعصيان
هذا اقهر الايتام
هذا خان العاهد ولمان
غيثني يا العالي
يا اللي بحالي داري
مدجتي
نجيتها بيدي
جات ف عنقي بالتمام
بدات
تضياق وتضياق
والريق انشف
وتمتم السان
شفت عيني
شافت عنقي بلا مرايا
لعقيق ارجع احروف
اتكتبت اسميتي
باجمر
واسم امي ناصع اخضر
ولمدجة
تتزير
وحلقي يتعصر
وانا عل افعالي نتحسر
الوقت اذركني
وف ازيادتو طامع
هزيت اكفوفي للعالي
لحالي يغفر
القيت راسي ف لقبر
اخرج لساني
اطوال على قد لعمر
ولزلاتو اتنكر
طلب الثوبة
بان ضو لفجر
لقيتها امنامة
قلت نسعاو الله السلامة
كاديت موري ذاتي يانا
اطلبت التوبة
الله يلطف
وحضر السلامة
[/center]
[i]
الرئيسية
موضوع: منامة الوقت 
الجمعة 10 أغسطس - 12:06
