الصحة أمشات.




سولوني على الصحة .

قلت الصحة أمشات.

لخريقة أعيات.

الحالة تضعضعات .

عماو لعوينات.

أثقالوا لكتيفات.

أصماكوا لودينات.

أعياو ا الركيبات.

الصحة أمشات .

قالوا لي وباقي تهظر ؟

قلت ليهم

ما زلت نستنكر.

هاد الوضع المر.

وما غاديش نهظر.

غادي نضرب بالحجر.

غادي أنحطم ونكسر.

غادي نتحدى هاد المنكر..

الصحة أمشات.

وفين السبيطارات ؟

راهم في لبلانات .

فين الأدوية والمعدات؟

أتباعوا بالكيلوات .

فين الطبة والممرضات ؟

غادروا وداوا لملينات .

فين ملايكة الرحمة ؟

أللي كانوا في الخدمة ؟

اليوم عادوا أعفيرتات.

ما بقى كافيهم دم.

ولاوا باغين الدريهمات.

وفين وفين وفين ؟

أرواحك يا مسكين ؟

فين تلقى الصحة فين ؟

الصحة أمشات .

أبقينا بين الطلبة والشوافات.

قتلونا دوك العراقات

فين طبيب العينين ؟

فين طبيب الودنين ؟

فين طبيب الراس ؟

من همو ما جاني أنعاس

فين دوك الناس

أللي قالوا ما كاين باس ؟

وفين وفين وفين ؟

فين طبيب المجانين ؟

في القرى والمدن دايعين

حفيانين وعريانين.

فينهم الملايين ؟

من دول أخرين جايين.

قالوا يكونوا ليكم أعوين.

من جيوب الناس خارجين .

أمشاوا مجموعين وفين ؟

حالة المستشفى،

فيها العدو يتشفى ،

وعلى من غادية تخفى ؟

من حق الخطفة.

لفلوس يمين وشمال .

واللي ما عندو مال.

دواه من المحال.



الصحة أمشات . ألطف بينا يا مولانا.

ألطف بينا كاملين .

نسوة ورجالة .

عاوننا يارب المحسنين .

الصحة أمشات .

فين لخوت مع لخواتات ؟

وفين هم دوك العدادات ؟

يبكيوني في الحياة .

الصحة أمشات .

أبقيت مليوح في الركنة .

ما أعرفت لا راحة ولا هنا .

حياتي كلها محنة.

عيشتي في الغبنة.

الصحة أمشات .

فين لولاد مع لبنات ؟

فين هم دوك الصحابات ؟

كلهم صدقوا كدابات.

وصفوني بقبيح لنعات.

زادوا قالوا مات.

ما أبقات فيه حياة.

الصحة أمشات.

أدات لفليسات.

حتى شي ما خلات.

الصحة أغلات.

أخوات الجويبات .

غرقتنا أكريديات.

بيعتنا لحويجات.

الصحة أمشات.

كداك من هو راجل.

جاه المرض بيه انزل .

أبقى غادي ويهزل.

أتودر في حياتو

ما أبقى عاقل .

الصحة أغلات.

الطبيب عاد يتاوا.

والفرملي دار أهراوة.

والمريض حالتو حالة .

اخي العزيز الحسن عطاري لا تقنط من رحمة الله عليك بالصلاة و قرائة القران ستشفى باذن الله

محمد منار

ياله من إبداع جميل