[قصيدة: الجيلالية - بحر المشرقي -
عبدالقادر العلمي

1 ا سْــتَـعَــنْـتْ ابْـدايمْ المُلْكْ ذو الإحْسانْ
من كوَّنْ صُورْتي اوْ لاَ قطْ انْساني
2 الرَّحْمانْ الـرّْحيمْ لَـحْـليــــمْ الــــدَّ يَّا نْ
منْ نَيَّرْ لِي امْصابْحي قَبْلَْ انْشاني
3 زَدْتْ اضْعيـفْ عاري ا لْجُثَّ عَــجْـزا نْ
بَرْ ابْضُعْفي اوْصانْ جَسْمِي وَكْساني
4 وَاجْعلْ ليَّا اخْلاقْ الأمْ اشْفاقْ احْــنَـا نْ
لَلْقوتْ للّي احْتَجْتْ مَنُّو غَدَّاني
5 وَاعطاني السمع والبصر واضْيا لَدْهانْ
وَتطْعَمْني باسْطْ النعايمْ وَاسْقاني
6 يَسَّرْ لي الـنُّـطْـقْ وَالـْـفْهاما والـتّـَوْ نانْ
واضحيتْ انحق زايْدي منْ نُقْصاني
7 وَا نْـقَـلْــني للَشْبابْ منْ حالْتْ الصَّبـْيانْ
اوكمَّلْ ارْجُولْتي امْعَ طَفْحْ ازْماني
8تُمَّ سَتْويتْ بالَغْ اسْنينْ الْكَهْلانْ
ابْياضْ الشيبْ زاها في وَادْقاني
9نشْكَرْ فضْلو اوْ نَرْتْجا خيرو لَلْلأَن
يصلح أمري اكْما احْفَضْني اوْ نجاني
10أنا في حُرْمْ خيرْ مُضَرْ اوْ عَدْنانْ
خاتَمْ لَرْسالْ كوْكَبْ التَّقَلاني
11الماحي سيَّدْ ما ايْكون وْما قَدْ كانْ
نحمد من هابْ لي اصلاتو وَاهداني
12هيَا حَرْزي وَ ارْقيْتي هي اْلأمانْ
هيا حَفْضي اوصونْ ديني وْايْماني
13هيا زَهْوي وانْزاهْتي هيَّا السَّلْوانْ
هيا عزِّي اوْحُرْمْتي هي شاني
14هيا ورْدي اعْلى الدّْوامْ افْكُلْ احْيانْ
يافَرْحَتْ منْ اكْتَبْ فَامْديحو شُطْراني
15يسْكُنْ فَامْقامْ ماايْنَخْربْ لو بُنْيَانْ
مَنْزلْ مأْمونْ ساكْنُو منْ لَحْزاني
16هذي العِيشة للاَّ ايْكَدَّرْها فقْدانْ
هدي دارْ الدوامْ هَدي لَجْناني
فيها ما تَشْتْهى النفوسْ او لَعْياني