منتدى الزجل المغريبي
حكاية شعبية : (باشْ درتي يا يدّي تودّي) 1 ...بقلم الباحث محمد الراشق

كان يا ماكانْ حتى كان لحبق والسـّوسان، والملك مالكو الرحمانْ ونصلـّيوْ على نبينا العدنان،
ياسادة ياكرامْ

هذا واحد الملك فارسي يعني (من بلادْ فارس) تعيش هاني فالمملكة ديالو، وحاسّ باللي دايرينْ بهْ وزارا ومستشارين، سامعين طايعين، والشعبْ على عايشْ مايرامْ بالتـّمامْ... ومنين كان دوامْ الحالْ من المحال، الملك فيوم من ليـّام، وهو فوسطْ الحمّامْ، اكتشف باللي ذاتو اهزمْ عليها ( البرصْ) وقريب يوصلْ الوجهو، الأطبا ء حاولو ولكن بلا نتيجة، الملك تغيراتْ حوالو، وقرّرْ يسدّ عليهْ وما يخرج لنـّاسْ، وفنفس الوقتْ المستشارين والوزارا ،اتصلو بكل الأطباء اللي تيعرفو واللي تيسمعو بهمْ، وكل واحد تيجي تيديرْ شي محاولة، والنتيجة ديما والو.
وفواحد النهار اظهر فمملكة ملك الفرس واحد الرجل من بلاد اليونان، اشهر راسو باللي اطبيبْ حكيم، وعارف باسرار اكثيرة واعلومْ كبيرة، وكانت ديانتو مسيحية، أما ديانة الفرس فكانت هي الماجوسية، Ù �منين دوّزْ يّام ساق لخبار المرض الملك، وفالحال اقصد باب لقصر واطلب يقابل لوزيرْ " شامان" وبالفعل رحبْ بهْ وسوّلو: أشنو الغاية من الزيارة؟ وفالحال الحكيم قالوا:
- أنا عندي علاج يداوي الملك من البرص فرمشتْ عينْ.
ومنينْ ردّو لخبار على الملك قال ليهمْ:
- أنا عييت من كلام الأطباء، قولو الهاذْ الحكيمْ إيلا داواني بالصحّ غادي نهديهْ اللي ماتيحلمشْ بهْ ، ويكون طبيبي الخاص، ويلا افشل، غير يعوّلْ على راسو يطير، ويكون عبرة ليهْ وللغيرْ...
لجكيمْ اقبلْ وازعمْ، وقبل اللي اسمعْ بلا ما يندمْ/ وفالحال اطلب من الملك يحيّدْ الباسو باشْ يعالجْ باسو، وكانت طريقة العلاج غريبة مافيها لادهنة ولا عشوبْ، ولا وصفة كلها كذوبْ ، العلاج يركـّزْ عليهْ بالنظرْ، وبالزربة يتحقـّقْ لأمرْ...
ومن بعد دقايقْ معدودة، صبحاتْ الحكمة مشهودة، البرص طار، والملك ادهشْ وجارْ وهو تيتمتـّعْ بذاتو ف،لمرايا، وقال ليه:( ياحكيم: من هذا اللحظة بلاصتكْ معايا وحدايا.) وفالحينْ آمرْليه بأغلى الهدايا، وارجّعو اصديق وونيس، الساعة شكون يخلــّيهْ "يبليسْ" يتمتع باللي جاهْ ، حيث لوزيرْ" شامان" حسدو وبغضو، وعملْ كلّ ما فجهدو، باشْ يمحي أثار لحكيمْ، وهذي هي حالة كل ماكرْ الئيمْ.
ومن بين ما اقنع به الوزير شامان الملك حيث ق الو:
- يامولاي ماتنساسْ باللي هاذ الساحر راه جانا من اليونان بلاد الديانة المسيحية، وحسيتْ باللي هو جاسوسْ جا يقضي على دينتنا " الماجوسية"
ردّ عليهْ الملكْ:
- ولكن ياوزيري لكبيرْ، هاذ لحكيمْ راه دواني وهنــّاني.. وهنا قاليهْ شامان:
- يامولاي راهْ دواكْ بالنظرة، ويقدّ يقتلك بها منين يحسّ باللي اتمكـّنْ ويقدّ يفتنْ.. وبقا عليهْ حتى تاقْ وانسى الخير وآمر بالراسْ يطيرْ...
ومنين مسكينْ جابوهْ فالحينْ حرّاسْ لقصر، تخلط عليهْ لآمرْ، وعيا مايشرحْ ويزاوكْ، الساعة الله الله حسّ باللي" الفاسْ طاحتْ فالرّارسْ"2، والملك عمّروهْ وسواسْ... ومني نْ تيقـّن باللي غادي يتـّدفن خاطب الملك وقال:
- يامولاي آمرهمْ قبلْ موتي نرجعْ لدّارْ، باشْ نهديلك كتابْ لعجايبْ ولغرايب،واللي منينْ تقلــّبْ صفحاتو وتلقى صفحة ( دوا الموتْ،) حط عليهْ راسي يدوي، وانت غير اتمنى وحتى من الموتْ غادي التهنــّا...
الحراس الدّاوْ لحكيمْ وردّوهْ ، وبوثاقْ حديدْ شدّوهْ، والسياف خدّمْ سيفو البطــّارْ 3، وفرمشة العين الرّاسْ طار....شومان افرحْ، وقدّمْ الراسْ المغدورْ، والملك بدا عقلو تيدورْ مع لكتاب اللي قدّامو، وبدا تيقلـبْ الصفحات، وفلكثيرْ تيلقاهمْ ملاصْقات، وهنا بدا تيستعمل ريقو باش يفكّ الورقة على ختها، وبدا الوقت يفوتْ، ومازالْ ما وصلش لصـّفحة المقصودة واللي عليها مكتوبة عبارة " ادوا الموتْ" لكتاب كان كبير، ومع الصفحات اللاصقاتْ كيفْ يدير؟ ماينفعو غيرْ الرّيق والريق والريق، وفجأة قبطو حريق، وماجا يقولْ (آحْ )حتى تقطعْ طرافْ، كلشي صاحْ: ( أناري هذا السمّ الهاري...) 4 وهكذا الملك اللي اسمع لوزيرو،ز خـْضا جزاء لغدرْ، واللي زادْ حيّرْ فلأمرْ، الصفحة اللي وصلـّها الملك كان مكتوب عليها: ( هذا اخلاصْ لغدرْ- وباشْ درتي أيدّي تودّي...)
وهكذا حكايتنا مشات مع الوادْ ، وراكمْ افهمتوها يلجوادْ....

محمد الراشق باحث بمركز اليونسكو
الثقافات الخمي سات - المغرب
1- مثل مغربي: يدل على أن ثمن اليد الخيرة جزاءها الخير، وثمن اليد الشريرة جزاءها الشر.
2- مثل مغربي يعني : لامفرّ فالتنفيذ حاصل.
3- القاطع، حيث يقولون يقطع الشعرة لحدّته
4- السمّ الذي يمزق الأعماق وبعض الأجزاء الخارجية سم خطير
ّ
باش فايتكم انا لادريس امغار مسناوي

باش فايتكم أنا ؟


شربني عقلي قبل ما نشربُه. أنا المغروس فالزمن، الفايض نار، الـﭭادي حنان .
نتولد فيَّ ... نتوالد بيَّ . نعيش من حياتي ... نحيي عيشتي .
ما تانعاين حتى معجزَه. نزيد ف طاقتي، نقول هذه بركتي.
حتى جنَّه ما عمرت عيني . باقيين لخيالي جنات فين يستلهم حروفه.

هتكت لحجاب ندوز لحياة اخرى. نشوف فين حد ابعادها ؟
اللي بغني يسوَّل عليَّ الطريق. يلقاها شاداني كِ شادها. طالبين السما السابعه، طامعين فالتاسعه.
حماقي ما قَدّاتوش هذ الوسعه. قلبي ما قدّاتوش هذ الحياة. حواسي باقيين ما عرفوا الشبعَه.

•

عَدّاء أنا وطحت ف مسافَه طويلَه كأني ف مرحلة "الفِنيش". حتى جنَّه ما عمرت عيني . فلسفني الزمن حتى زمانيت. لقيت باقي لخيالي جنات فين يستلهم حروفه. لقيت حتى حاجَه ما هي ديالي وحدي. عرفت من بكري أنني ما احسن من حد.

شكون قال لكم أنا احسن من بعضين ؟ باش فايتكم أنا ؟
بÙ �يلَه هبيلَه ، أَوْ بحيلَه ثقيلَه.

زيدوا قرِّوْني قبل ما تقراوني. زيدوا فهموني ولا تعطونيش.
بغيت نخرَّج اللي ف جوفي، نعمَّر الفراغ بعيني ... بخيالي ... باحلامي...

شكون قال لكم أنا احسن من بعضين ؟

ما كاينش أعلى مستوى، كاين أعلى مستواك ... كاين رقمك القياسي الشخصي.كاين تحديك ... كاين عنادك... كاين رضاك.
أنا واحد م الكاينين. كاين أنا فين انتما حيين. زيدوا قرِّوني قبل ما تقراوني. كنتوا احسن مني. اخذيت من محاسنكم ما زاد اغناني. انتما واحد من ربعه ذ العيون اللي تاينبع منهم إلهامي . محظوظ ! وشحال هو محظوظ بكم زماني !

خلوني اذن نشعل خيالي نسافر ف بياض ليلتي لحد قصيدتي . خلوني نواجه هشاشتي ، نزيد
ف عنايتي . نمشي بعيد ف جهدي بجهد الإبداع، نستقبل ما هو إنساني، نمشي للصَّح بالصَّح . علَّ و عسى نصادف لذَّه على بغتَه نقطع بها صيامي.
الإراده طاقتي . الوقت الهيهْ ، نوصل عليه أَوْ نوصل له ، نحيَّح على الظلام نصيَّد الوقت حتى يبان منبع الضو ، يحوزني النهار ، نطل من عينيه ع الكون. كون يعطيني ما نعمل، نعمل ما يعطيني...

يجيني صوت المَنافَس شوفتي " المعرفَه جايَّه م المجهول ، وبيبان المجهول مفتوحَه غير اللي بغى يتعامى.

•

باشْ درتي يا يدّي تودّي
درس من دروس الحياة ... الرسالة الانسانية للابداع ،
الحكاية الشعبية التي بين أيدينا ،بلغتها البسيطة ،و اسلوبها السردي الحكائي
تدفعنا كي نسافر معها و مع السارد ،قصد تلمس جوهرها العام و الذي
ينبني اساسا على إيصال عبرة و درس من دروس الحياة ،و التي ما أحوجنا اليها
و ككل حكاية ،تتداخل فيها ثنائيات متضادة : الشر | الخير ، المرض | القوة
الموت | الحياة ،فالملك الفارسي القوي بجاهه و سلطته ،يجد نفسه قد دب المرض الى جسده
انه الانفعال اللاإرادي من جراء قوة خفية داهمته ، انها قوة أو سلطة المرض اللااختيارية
الØ �ي فرضت سننها عليه و على جسده ،فلا الجاه و لا السلطة غيرا واقعه الاستلابي ،
فالدرس الاول الذي يستشفه القارئ ، من هذا المعطى الأول من الحكاية ،
هو أن قانون الطبيعة و مشيئة الله في خلقه ، تبقى هي الاقوى ، فالسلطة بكل أنواعها و أشكالها
لا يمكن أبدا ان تحجب و تقي المرء عوائد الزمن و تقلباته ،
و هكذا سيختار الملك مرغما ،بحد القانون الطبيعي الذي لا تحكمه اية سلطة نسبية
الانزواء و الانطواء على نفسه بعيدا عن الأعين التي اعتادت ،أن ترى هذا الملك في كامل صحته
و بهالته التي تصدح جاها و سلطة .لقد فضل الاختفاء في جحره على ان يظهر لرعيته في صورة الملك المريض ،و قد غطى البرص جسده .
ثم فجأة ، يتغير مجرى الحكاية بظهور طرف فاعل إيجابا في تغيير صورة الملك في علاقته
بثنائية "المرض | القوة " انه الطرف الخارق الذي سيمكن الملك المريض من استعادة صورته
قبل مرحلة العلة و المرض ،انه الحكيم اليوناني ،
طبعا ،فالجميل في الحكاية ،ان السارد ،سيستغل بذكاء العنصر العقائدي من أجل تفعيل الاحداث
و الانتقال بنا الى ما يمكن ان نسميه بجوهر الحكاية ،أو الدرس و العبرة التي يمكن ان نخرج بها
" فاليد التي وهبت و منحت القوة و الصحة ،" يد الخير " لا يمكن إلا ان يقابلها فعل الخير و الاعتراف بما قدمته من خير و جليل الاعمال ،لكن أن تواجه هذه اليد الخيرة بالشر ،أكيد أنها لن تجني الا الشر
و الدمار ".
سي محمد الراشق ،وجدت في هذه الحكاية منفى افتراضيا يعكس بجلاء صورة اليد في علاقتها الجوهرية باليد الاخرى التي تقابلها
درس من دروس الحياة
دمت جميلا ايها العاشق للحياة في صورتها الأجمل