منتديات دواوين الثقافية و الأدبية

حلمة

بكلمة من قلبي جاي ندور علىَ حلمة *** جاي بسّطور تزيِّنت حروفْها بكلمة
كُل ليله نعاود لقمر عليك ونشهّدو *** كُل يوم نحكي لمطر عليك ونعاهدو
من يوم عيني رمقاتك فواحد اللمَّة *** القلب طلق الذات دار الجناح علا فالسما
الروح قطعت النفس وخرجات من الما *** طارت مع قلبي فسما
هذ نّور سّاكن كهف عيونك *** ضوا لي الأيام رسمني بأطياف بلونك
من قلبك حاب نسمع كلمة تشافا الجروح *** شفايفك ترعد! حلي القفل وطلق البوح

ُصوت سٌّكات غٌوَّت ف قلبي
و دّمعه لّلي فْ عيني
عندها ألف جواب وُجواب
غرامي بك مغبون مبيِّن نفسو قدامي
مرة ف صورة حلمة يطلع لي فمنامي
ومرة ف صورة كلمة يخليني زهواني
ومرة ف صورة وردة مسقيا من دموع عيوني
لا جمال ولا نسمة
صبار لشوكو نترمة

حلمة زينة ورزينة حنينة *** هزها عروسة ت دّار فخيالي
الذات هواتك بغاتك نتيـا *** أشنو ذنبي تتبدل عليا
ماكنت حاسب بللي بين ليلة ونهار *** غادي تخلي القلب عليك دوار
تنتوحشك قد نهار لعيد وحوايج لعيد *** زاد وحشي ليك زليت مريض
ديت معاك الألوان خليتي العشير ف مقبرة عايش *** سرحان متمني نشوفك ف الفياق اصبحت طايش
زندتي نَار قلبي هاج ولعي *** نار ما طفتها شوارج دموعي

قلت ليا ذق كلامي خذ منو عبرة
شكون هذ اللي تهز هبالك أ ولد لمرة
ولّ فين تجبر حفرة
راه هذ زمان مايشوف فيك
ما يلق عليك نظره
تعوذ بالله من هذ الحلمة
وفيق قلب ليك على شي خدمة

يونس الفجري
2014-01-01

الاخ الفاضل يونس الفجري واصل أخي تقديري واحترامي

شكرا على مرورك الطيب .. تحياتي

بالحلمة يمكن يتحقق ما تتمنى ارجوا لك التوفيق الاخ يونس....

نعم أكيد .. شكرا لك أخت لطيفة .. تحياتي

» حلمة ف كلمة
» قراءة في ديوان " حلمة صغيرة وكبرات " للزجال خالد بوگلة من طرف االأستاذ الناقد عبد الجليل أيت الشتوي

منتديات دواوين الثقافية و الأدبية

منتديات دواوين الثقافية و الأدبية

حلمة -*-*-*-*-

حلمة -----