حرفي
ماهو اغريب
ماهو بوجادي
يحرث الورقة
ويدري امعانيه ف السروية
ماهو ابخيل عل لمداد
ماهو معكٌاز
يفيق اركادي
يدخلني فانشادي
والكتبة فايهة
تقول باز
كوٌلوا يا اسيادي باز
هاذ الحال فيا يجدب
هازو الحال
هاذ البال فيا يحسب
اشحال من اهبال
وانا اهبالي جدبة
وهازة لمداد كٌربة
ولقصيدة امعانيها
اشحال اثقال
الغى لحروف مرخوف
ملوي مابين اسنان
وهذا قلبي مابين يدي
مغلوب اللسان
نفك عقدة الجوف
يمكن غدا تتسرح لحروف
نلقى طريقي
وفيا تلقاني

ونلقي السؤال
نهبش هنا وثما ولهيه
نهبش تحث ذاك الحيط
انشد راس الخيط
واشكون يحطني مداد
وخيط لقصيدة
فمي امكبل
نخيط هاد البعاد الكتبة
ونمحي لبياض
لمنامة كتعاني
اشكون يفك هاذ العقدة
الزايداني غدة
ومكسحة الخاطر
فغرق هاذ المرفودة
الهازاها
تقليد لضيم الوقت
الواهباها
اغطى لسياد لحروف
لمشعلاها اشموع
لظلام الحال
الحال الهازني من هذا اشحال
اتسليم لهاذ الحرف
التسليم للورقة
الرافدة ارياحو
التسليم لهاذ لمعاني
التابعاه ف اصياحو
التسليم لهاذ الجدبة لمنسياه
فامساه واصباحو

أسعدني اختي فتيحة رشاد مأبدعت هنا مزيدا من التألق والعطاء
كل التقدير والاحترام

سعيد محمودي كتب:

أسعدني اختي فتيحة رشاد مأبدعت هنا مزيدا من التألق والعطاء
كل التقدير والاحترام

شكرا على المرور المرحب به
اشتقنا اليكم سلامي للاهل
تحياتي الاخوية الصادقة