منتديات دواوين الثقافية و الأدبية

حْديث الروح

شكات الروح مَ لَبْدَن
عزيز عليك
التراب ولعفن
تجري وْرا السراب
وناسي لكفن
صورتك غامضة
بالف لون ولون
طاغي ف الدنيا
ب فعايلك يا فرعون
باغي تملك لكون
عيق وفيق يا بنادم
ما نْت غير لحم وشحم
منخور لعظم
عروقك ما عاد فيها دم
لا عندك هَمَّة
ولا قادر تهز لكْدم
ديما مْكَحّلها
وف التراب راسك رادم
فْ جهلك غارق
ما باغي تتعلم
ف غرورك دايب
ما قادر تتلم
غدّا تكون للدود طعم
عل سوء لفعايل ولْفَم
اللي ما بغى يتْزَم
انا النسمة الطاهرة
مْكاني ف السما لعالية
نرفرف ب جناح زاهية
ب نور ربي منورة
ب لمسك ولعنبر معطرة
انا نفخة م الرحمان
نسري ف جميع لبدان
نسقي لعطشان
نداوي لولهان
انا اللي نجمع لقلوب
ف لخير نخليها تدوب
بيا يَتْحَدْ لمكتوب
نحب نرجع لسمايا بلا ذنوب
انا الدواوالطبيب
اللي صانِّي ما يشيب
ل حلامو ديما يصيب
ويكون ليه معايا نصيب
انا اللي رحّبتي واسعة
مافيها ضيق
نجمع مابين الرفيق والصديق
لكل مومن نسهل الطريق
يابنادم تشبت ب الله
وفيا تيق
لاتلومو رحيلي لمرير
عند الصغير ولكبير
عند لغني ولفقير
سعدات اللي دار
ف حياتو لخير
انا وِيّاه منعمين
عند لعالي لقدير

س/أ/غ 13/9/2013

دعيني أحييك أختي الفاضلة نجاة احسايني عن هذا
البوح الصادق،وأهلا وسهلا بك يننا مودتي.

[quote="الضريسي الباز حسن"]دعيني أحييك أختي الفاضلة نجاة احسايني عن هذا
البوح الصادق،وأهلا وسهلا بك يننا مودتي.

تحية احترام وتقدير سيدي الفاضل وشكرا على الترحيب

» نـــداء من الروح إلى الروح
» الروح
» سمو الروح
» أشواق الروح
» عودة الروح