منتديات دواوين الثقافية و الأدبية

الجاي والغادي
الغادي والجاي
نروي لكم على سيدي ولد بالادي
الي دمو من دم ولادي
اصلي فوق سلهامو
نجمة تلمع
وصبري فوق وراق أيامو
نجمة تضوي
تبكي وما تدمع
تبكي وتنوح
وفي سرها تبوح
وتقول
اسيادي
اجوادي
راه سيدي ولد بلادي
حر ومأصل
بالنخوة يخيط ويفصل
اسمي مطروز فوق جلبابو
بخيوط من حرير
كانت سر خافي في جيابو
ملونة وتشعشع
تبان للعادي والبادي
في يدو خاتم من الذهب
في السما كيلالي
مكمل الهلال
مخيط النهورا بالليالي
الخاتم سرق مكنوني
عجنو بالفادي
ربط به زماني
وشلا حوايج وراني
وراني كيف نكون حرة
وفي داري موقرة
نحمي ديما ولادي
حتى لو يبرح البراح
وينادي النادي
ما نديها
في المرا الهدارة
ولا الجارة الترتارة
وندير بحساب الكلمة
الي تجرح بحال الموس الماضي
وتدور الايام والايام
وترمي الشمس حرها للغيام
ويجي الضو
ويجي الظلام
وتلقاه ديما
في جنبي غادي
يحميني من عيون عدياني
والا الزمان جرحني وكواني
تلقاه ديما
مقعد وتادي
راه سيدي ولد بلادي
بقلم احسان السباعي

أختي احسان كلامك جميل وشهادة في حق كل رجل يقدر بيته وشريكة حياته الساهرة على راحته وسعادته ، شكرا على هذه الزجلية الرائعة ، تقبلي تحيتي وتقديري.

الزجالة احسان
زجل ذو حسن وبهاء
فكرة جميلة
تحياتي

» عشق فيك يا بلادي
» سرك يا بلادي
» بلادي
» عيشي يا بلادي
» مراكش بلادي