[center]عيشي يا بلادي



إلى مت يالميمة ما تبكيش

لاتحزني لا تشدي لحداد

نموت أنا وبلادي تعيش

عليها نضحي حتى بلولاد

واخ عايش فيها درويش

هذيك بلادي أرض لجداد

فوق ترابها دمي يسيح

نعثر نوقف ونطيح

نكابر نصبر ونصيح

ونڭول بلسان فصيح

عيشي يا بلادي لاتموتيش

عيشي زاهيا

بين لوطان

عيشي راقيا

فسلم وأمان

عيشي ساميا

مرفوعت الرايا

تحت حكم السلطان

وعليا راك ما تهونيش

جدودنا حرروك

وفيك خلاونا خاوا

بالجد ياك زرعوك

الغلة فيك طراوا

آل الفاسي غدروك

كيف البڭرة طيحوك

ومضاو فيك الجناوا

بيناتهم ياك فرقوك

وحنا فيك ياك ساوا

عليهم الذل ما يحشموش

الغالي والعزيز الاستاذ الفاضل محمد الدكالي عيشي يابلادي قصيدة معبرة أشكرك على هذه الغيرة القوية
لك أخي كل التقدير والاحترام