الكلام والعاشق

بقلم الدكتور محمد نجيب المنصوري

2013/03/10

على قفية بقيت سايح ..... تابع الكلام تايه فكل مكان
على جوهر من الفام فايح .... ف شانها قطعت لفيافي والبلدان

تودرت فالغى وشرحو
الزرب شرورو وطروحو
من شيطان القول ما لقينا راحة

سمعو الغادي والرايح ..... العسل من ثغر طالق العنان
لعشيق مصدوم نايح ..... قوافي مرصعة وكلمات حنان

بالسجيية كمد جروحو
رقايقي حاط فيها روحو
والمحبوب قاطع من قلبو السماحة

خلاتو بهمو بايح .... ذخلات ف الذات سلبات لكنان
صحيح بعقل جايح ..... همدات الضر ودوى لبدان

اللواعج ف دواخلو اينوحو
بقهر الوقت ايبوحو
او نار الغرام ف قلبو لفاحة

ما نفعو فيه نصايح ..... هذا لعشيق بهيفاء ولهان
قفية دارت فيه لفضايح .... جفاه النوم عايش سهران

جفل والشعر زاد جموحو
والريح بالجهد ايلوحو
كلمة زينة جابتو ف الحافة

مقطوعة متوهجة أبدعت في نسجها اخي واستاذي الفاضل الدكتور محمد نجيب المنصوري
اتمنى لك مزيدا من الإبداع والتألق
لك خالص تقديري واحترامي