وزن الكلام

كثرت الكلام بلا تبات
مصيبة .
العاقل عند الكلام ،يوزن
لا تظن في تطاول اللسان مزية
تهدم عز قدرك .
*
يا المعرش
شكون تكون أنت ؟
التامرة في الفدان حانية
*
الطر اللي تضرب فيه
عنده مواليه .
لا تكون زاهك
تبتر ليه سبيبة
*
عنقود الدوالي حلو
وعليك حامض
م أنت حفيان
يمكن غالط.
*
جوادك في السربة
ليه وجبة
وعند التخرجة
مخيبو بعتره.
*
تفكر الصفايح بربعة
وعلى ظهره فرش
زينه بالفضلة والكمية
دير ليه لجام
حبل لطيف وسبنية
راك مع الجواد
*
هم ...هم.
تمد يدك وتقول هم
شكون هم
دير ور ظهرك مراية
شوف مزيان
وحكر
كبة من علا ؟
*
الشريجة متكون على قصب الريح
والفاهم بلا عقل
ادع ليه بالشفا
*
يالفاهم
افرز بين الذكر والنثوة
وياك من سم اللفعة
لا تبق مغرور
بعد الضوء ظلمة
دير ليه حسابه
*
على ضفة الوداع
راك مقرب
الشاغل بالك
عاود فيه النظرة
*
اصقل حالك ، نقيه
لا تلدغ بلسانك ، كل من قرب ليك.
الشهدة مفقودة العسل
عندك أش تسوى؟
شمعها سره نار
من بعد يطف.
وما يبق ليه أثر.
*
05/11/2009
احمد حمانو
العوامرة