منتديات دواوين الثقافية و الأدبية

ابراهيم الرامي كتب:
لله يا شيخ لكلام
يا مول الحكمة ولمثال
لا تكسر ل لكلمتي خاطر
لا تقيد حرفي ب أوزان
خليني ف جوا ﯕانتي
عايش على قد فهمي وقرايتي
نغزل نفتل
نتعقل نهبل
قلمي ودوايتي
هما شاني ..
وهما عنايتي
**
صغى واسمع يا شيخ لكلام
يا سيد لقوافي و لوزان
الفايدة ف المعنى
إلا فهمها لعقل
و سمعتها لوذان
**
تعالى قرب ..
اشرب وجرب
يمكن تبقى يمكن تهرب
ف كل كلمة نغمة
و فكل حرف وجعة
من بيت لبيت
من لسطر للسطر
إياك توزني وتعبر
حتى تفهم غايتي
عاد تفضل وهضر

********************************
البعليوي جاوب
*******
حشى إخصَرْ لحروفك خاطر

وانت الموصوف بالدوق والنبها

ماقيدتها بوْزان ولا أنا شاطر

كَّلتي عفاك شوفها واقراها

وسميها وزيَّنها بالكادر

حروفك مَلك أنت مولاه

ولا فهمتها ب فهمي

لاتلوم فهمي ف البرية

راه منْ عزمك زاد عزمي

وأدنتي نشوف ونقح السجية

ماكانتْ هذي ياسيدي ف علْمي

ولاكان نوزنك ونعبرك ف النية

*****
تحياتي الاخ المحترم السي ابراهيم الرامي

الميزان نغمة والكلام معنى
ولا واحد فيهم خاطيه الصواب
شكرا أستاذي الكريم على هذا التذكير القيم...تحياتي...

» أضواء لاَخَطْبَ فيها
» قصة حدثت في بيت ياباني فيها العبرة
» عشر ذي الحجة فضائلها والأعمال المستحبة فيها
» فضل الشام وما ورد فيها من الحديث النبوي الشريف
» قـصـة مـبـكـيـة فيها عظة وعبرة .. منقولة

منتديات دواوين الثقافية و الأدبية

منتديات دواوين الثقافية و الأدبية

ما فيها باس نحيوها