حسيت بالشي ماهو شي
تبدل، و مبقى كيف الشي
نسى اصلو و باع صحابو
هكدا قالو صحاب الشي
اما الصحيح عكس هاد الشي
الشي مقهور،غدروه صحابو
و قتلوه ناسو
و ما عاد كيف كان الشي
تبدل، و مبقى كيف الشي
مسكين هاد الشي
فالطريق وحده هاز طوبة
بها ماجي ماشي
مع الوقت ضنوه حماق
و عقلو راشي
حمقوه فعيونهم
غير بالطوبة لي يدو حاشي
معرفين فين و لاين
بها ماجي ماشي
وفيوم تبعو فضولهم و تبعوه
كان يحمل طوبة من مكان
و يرصها فمكان
باني بها بنيان
بعد داك لي هدمو الزمان
كانو صحاب الشي حيوطو و ساسو
و انا حسيت بالشي ماهو شي
تبدل، و مبقى كيف الشي
ضنيتو حماق و مبعقلوشي
ساعة بان عين العقل
بان الشي مبحالو شي
.

وهكذا الحياة شي مابحالو شي معنى رائع اخي الكريم عصام البحتوري.