شحال يساوي والو
مضروب فوالو؟*
لسانه ملوي
و رجليه حوالو*
يتمايل فطريقو
يد يشم بها و يد
شاد بها سروالو*
غادي ويميل.
بلا ريح*
مرة يوقف
و مرة يطيح*
هكذا هو اختار هبالو*
هو مشي وحدو.
كين كثير بحالو*
كانوا في صباهم
نسور يطيروا فسماهم.
كانوا في صباهم
فدان يتباهى بزهارو.
و اليوم وردات
يدبالوا*
الصلاة المكتوبة
ما يصليها*
شهادة لا إله إلا الله
ما يعقل عليها*
و حتى رمضان
كالو*
عيا يجلس...
وعيا يمشي*
قالوا ناس زمان.
قلت الشي ترشي*
تلعب بيه هموم الحياة
على مواجها
كيف ألفرشي*
الله ينظر من حالو*
من زنقة لزنقة ضاع لشباب*
جونات و سلسون
و تقرقيب الناب*
يا خويا فيق من الڭلبة
راك فغابة و سكانها دياب*
لحمك عجنوه
و كالوه رغيفا
وأنت لاحوا ليك نخالو*
كان طير يغرد فأوطاني
سقط فشباك السمسار*
خويا خمم و تأمل فمعاني.
ما بغيتك تكون حشيشي
ولا شمكار*
و ما بغيتك تعطي صباطك
لبرلماني.
و تبقى حفيان
ياك هو الي زرع فطريقك مسمار؟*
يقضي شغالو و يغيب.
و أنت ضايخ
و الشغل الله يجيب.
و نهار يرجع تسولو
على الدوى و الطبيب.
يقول ليك والو*
[b]
الرئيسية
موضوع: قلت الشي 
الخميس 18 نوفمبر - 21:47
