يا بابا من غير حضنك حد ما يدفيني
فالعيد وحدي حد ما يقدر يعمر عيني
وفتاش نلقاك يابابا العيشة بلا بيك مذلة
لي البارح كانو حباب اليوم غدرو ونعلو الملة
بلا بيك خوتي ولاو ذيابة
نحس من بعدك راني في غابة
عنوان حياتي من بعدك عيشة مرة
ايامي ذبالت مابقات فيها مسرة
محرومة من حنانك بين أندادي
نبات الليل بجرحي دامي على وسادي
وقف الكلام فحلقي ما عرفت نتكلم
وقلبي يقاسي بسكاتو متألم
لإمتى يطول سكاتي ؟
لإمتى تحرقني دمعاتي ؟
تمنيت لو طال عمرك ونعيشو كيف الناس
نضرة وكلمة منك تشفي فقلبي الباس
تمنيت لو بقيتي فحياتي متخلينيش
تمنيت فحضنك طول حياتي نعيش
انت لي فيا تحن عمرك مني ما مليتي
تعبتي باش نفرح وعمرك ما عييتي
من بعدك يا بابا شكون بقالي
ياريت لو تقدر تشوف من بعدك كيفو حالي
فراقك جرح كبيرمابرا ما ولفتو
والعالم بلا بيك لا طقتو ولا تقبلتو
من بعدك حتى حد ما حن فيا
حتى لخوتي وليت ضحية

يا بابا العيشة معاك حلوة نقولو للاخت نادية حمزاوي الله يجمع الشمل تحيتي وتقديري ..

الجرداني لطيفة كتب:

يا بابا العيشة معاك حلوة نقولو للاخت نادية حمزاوي الله يجمع الشمل تحيتي وتقديري ..

شكرا اختي الغالية الله يرحم جميع أموات المسلمين