هذو ثلاثة ديال قصائد على شرف مهرجان أزمور للزجل في دورة 3


دمعة واحد
وا فراجة هيا


وخي فراجة يا أبو نجا
وت غير گول : ليا
أش خبار ديك ثرية
واش قدات شي حاجة
نتا واحد خر
بهم مصر تگرگر
وهيا منين ديك ثرية
گالوا: طفات .. هرمات .. ورمات
يا سي طارق
گول : ليا هيا أش بغات
واش قدات معك شي حاجة
وخي .. فراجة
آش جاب زجل الفرنسوية
كان عليك تسول هل البلاد
بل ابداع بلا دنوب
راه مرگد زجل
سيدي عبدالرحمن المجدوب

****
دمعة جوج
راشقاليه


گالوا : النهار الثاني راشقاليه
ومال وراق زجل تشتوليه
شتك هنا ... وشتك الهيه
ما بان حال القصيدة مساوي
يشهد البوهالي .. وزيد الهداوي
ونتا دوي .. وگعد راسك
يا عبدالله العروي
من شريط الشمتة
على شوفت أزمور ملوي
نتا اللي خصك تدوي
نتا اللي خصك تضحك
نتا اللي خصك تبكي
وجوبني واش هيا هك
دمعة مطوية تحت تابگ الغراب
وشمعة مطفية
مسكينة أزمور تشهگ المداد
أدوي ...
شكون اللي نتسالوا الجواب
واش عبدالله العروي
ولا بوشعيب الرداد
شي عيالات بانوا
گاع ما كانوا
شي الرجال تصابوا
هما سباب عذابوا
ايوا دوي .. زجال هزها
أزمور تنين .. كفى ومشى
وعرفها راه تسدات الدافة

****

دمعة ثالثة

على دمعاتك .. زيدي دمعاتي


الأولة .. آه
وثانية .. أه
وثالثة بكي يا أزمور
وعلى دمعاتك زيدي دمعاتي
طلعات ناس
فين كانت يا ناس
من كلام خاوي
گالوا : هذا .. لهذا
كلام بوهالي
شكون قريب هداوي
بوشعيب الرداد
ولا عبدالله العروي
ذاك .. الهذاك
ونا مالي
كنشوا الحروف ف الكناش
على مساوية گالوا : زجال
قصيدة هاوية
حصلة ف المصيدة
على ضفت الواد
والواد حزين ف جوف ماه
هم .. وسر كبير
شكون فهم الغاه
وإلى كان الباب محلول
نسالوا
شكون
على خراب عشوا مسئول
يعطيني كلمة
ماشي تهريج
وتهراج .. وشي ما راج
يا العوامة ف العجاج
أش قلت الحياة
وزيد ف تفراج
ها اللي من تحلوين
زغبات منوا الحروف
ف تقيام الليل
يا قايد العيالات
شابت .. وعابت
عاد حلمات
فرتقوا حروفي يا ناس
توجع دمي
على شوفت القياس
يا أزمور يا وريدة
دحسوها الدحاس
يا أزمور الى بكيتي
حسبي دموعي
بين دمعاتك
فيك ناس
وفيك اللي مشدود القياس
فوگهم دياب
وبينهم وحوش
يا بوشعيب الرداد
يا عبدالله العروي
فين يبقى الجواب
فيكم ... ولا فيا
ولا ف تابگ الغراب
يتركن ف جنب الواد
وتاريخ عليهم شاهد






الشاعر : أبوالغضب
نصرالدين خيامي بلمهدي
أزمور 25 26 27 . 01 . 2013
على شرف مهرجان العربي للزجل
مقهى طحونة