ما تحاسبوني
ولا تعاتبوني
انتما بغيتوني
عطيت مالي
وسرجت ولادي
فَ الحي فَ الشارع
غادي ونادي
صوتو عليا
بالورقة الزرقا
صوتو عليا
بالوظيفة لمعلقة
صوتو عليا
بالغداوات والعشاوات المتالقة
نجحت واللي كان كان
نبدا براسي الان
هادوا فْرمْ هادو قطعان
هادو فلوس هادو غزلان
قبيلتي وطاسبلتي
مبرعين
ونا معاهم
عايشين مهنيين
ولاد الشعب
طالعين نازلين
فَ الجماعة
فَ البرلمان
معتاصمين
مَ الحكومة
شاكيين
هزكم الماء
يامغفلين
مازال لكلام لحلو
تايقين
وفَ الاحلام
غارقين
عجبتكم الزرقاء والحمراء
والكرش العامرة
على كرشو
خلا عرشو
قالوها زمان
فلان وفلان
الجماعة ميزانيتها فارغة
قاستها المجاعة
الحكومة مبوقة
فَ البرلمان ديما ناعسة
اشكون يسمع ليك يامسكين
عيق وفيق وباركا متفنيين
ضرب حسابك
فكر فَ بلادك
حس بَولادك
عاد اعط صوتك