المرشح:
زيدناك٫٫٫٫٫٫او سبقناك٫٫

توخينافيك الخير٫٫


بديتي تزيان لينا٫٫٫وتبان علينا

وعطيتينا٫٫٫من لكلام لكثير


وصدقنا الهدرة٫٫٫وزيانت النضرة

طلبنا ليك التيسير٫٫٫٫


اخديتي وقتك٫٫٫٫بعدتي لي كرهك

وقربتي صحاح في لوبي لي قبلك

ولي يضرب ليك الندير


طال الانتضار٫٫٫٫نهار بنهار

اسابيع واشهار٫٫٫والوقت علينا مار

او ما بان حتى خير


خيرك بدا يكثار٫٫٫جيبك بدا يكبار

ضربتي علينا لحصار

بان سوء التدبير


بدى الاعمار٫٫٫وصبيغ تروتوار

او جاو الزوار ٫٫٫٫اشراو دار بدار

والدرب ولا كوار٫٫٫زاحموك عند الخضار

طلعات الاسعار٫٫٫٫جات فالفقير


بدا الصداع٫٫٫كلشي تباع

والصندوق بقا فيه القاع

او صاحبنا سلت منين شباع

نعتنا بالحمير

محمد نحيب المنصوري

هادو هما افعايل المرشح كل ساعة يجينا بفتوى وتنحييك أخي دكتور المنصوري على هذا الموضوع ونا بدوري غادي انساهم بهاد لكلمات عليه


جانا المرشح
سَعْدتْنا ب شيخْنا لَفْقيهْ
رافَعْ ورَقْتُ وَشِعارُ ف إديهْ
عالمْ عِلَمْ التَنْجيمْ وما يا لِيهْ
جانا ثاني ب التَّنْزيلْ وب التَّرْبيعْ
****
إسْقي الثرابي والمائي إرقيهْ
والهوائي وناري إطفيهْ
إصَرْصَرْ ف الكُّورْ ولْسانُ إلْويهْ
إغيَّرْ السياسة وبَرْنامَجْ الترقيعْ
****
ب غْبيرَتْ لالة شاشة وكذوبْ ألْهيهْ
إزَيَّدْنا الصندوقْ ومستقبلُ إبْنيهْ
إلْبَسْنا وف القَبة يسرَّحْ رَجْليهْ
ف التلفزة عَنْدُ الوانْ التصنيعْ
****
هوإعْرفْ البيطَالِ والخصَاصْ هو إدريهْ
هو إعرَفْ المحتاجْ وماخصُو إحْصيهْ
هو إوظفْ ويخدَمْ و..ونْكَاسْ هو إلْغيهْ
ياسعادة المنتخب باركة من تْقَرميعْ