انا حوا(ء) بنت حوا(ء)
على نار هادية كنتشوى
اعماقي شاعلة مكدية
من دواير الزمان عليا
زادني الهم سيدي آدم
بالتكبر والانانية كبر الهم
نشكي منك ليك يا آدم
انت القاضي والخصم والحكم
خفف عليا ظلمك قهرتيني
تبات دموعي سالية عل جفوني
آش تسالني ياك انا لميمة
والخت والبنت ولخليلة
علاش انت هاكذا داير
امي، جاهل،مثقف حالك ما يتغير
ساهرة عليك وما عندي زهر
معاوناك عل الدنيا ومشربني المر
ديما طالع ف سما ومحقرني
حرة انا ولاَّ جارية شاريني
ربي كرمني والرسول عظمني
وانت باعمالك هاوي ضرني
اتقي الله ف نفسك وفيا
راه دعوة لمظلوم كتصيب
وعقايبها كَاع ما تخيب
س/أ/غ 21/11/2012