يا سقام السعود *****سقم لي سعدي
جيتك بلجذبة ولجود*****نول لي مرادي

يازارع لخير*****تبعو دايما بسقا
تجني ثمار بنينة*****ف الارض وف سما

يازاير لحباب*****خفف مَ زيارة
كن ضيف خفيف*****مول لحداكَة وشطارة

يا صاحب لكلمة *****وْف وكن قدها
اللي وعد وفا****وفاز بناسها

يا زاير قبر النبي*****تحزم بالنية
كثر مَ الدعاء*****وحاجتك مقضية

يا حاصد الريح*****رد بالك مَ لعجاج
تجري موراه وطيح*****ويعكر ليك لمزاج

يازارع الشر*****عنداك مَ عقايبو
تحصد سخانتو****وتوصلك مصايبو

يارايس بلا حكام*****ثبت قدامك
راك تولي ضحكة*****عند الناس وبين قرانك

ياظالم لعباد*****دُرْك يجي نهارك
تبكي عينك الشوك*****وتستاهل ما جرى لك