الخروفْ
قصْتي معَ الخْروفْ وماجْرا
فَلْسي قْليلْ وغْشيمْ ف المَشْرى
بَنْكَُارْ زَادْتني حتى لَمْرا
قالتْ لي جيبُو كَبشْ عامَرْ وَقِلْ الهَضْرة
وَمَضي لَماسْ عنْد مولْ الحجْرة
***************
وَعنْداكْ تْجيبو كِ ذاكْ العامْ
سْيوكُو خارْجينْ ابحالْ لَشْريتهْ من العَرامْ
نبغيهْ همّ وقْرونو دايْرينْ عْلامْ
قْليلْ الشُّوفْ يَشوفُ ف ظلامْ
**************
سردي وَثْني عنيهْ مكَحْلينْ
وَعنداكْ البَرْغازة اللي عَلْ السوقْ مسلطينْ
يَنَفْخوهْ ب المَلْحة والشْعيرْ والْمَا تَلْعينْ
وَعَنْداكْ الشناقة الحالفينْ ب ليَمينْ
وَعَنداك النَّصابة والكذابة لَمْسََبْبِينْ
*****************
حَدرْت راسي وَكَُلتْ هذي سُنة مْزّمْمَ
درْت ف جيبي 20ألف وَعشْرة مْكلكمة
فبابْ السوقْ نصْحوني لِ فَهْمِنْها فَسْما
أشْ وخْركْ كانْ عْليكْ تْجي ف ظلْمة
إلا ابْغيتي لَمْليحْ والعنْكَُرة مْشَحْمَة
*******************
توَكَلْت علْ الله وَبديتْ أنْقلبْ
هذا هْزِيلْ هذا ارْباعي هذا سَنِينْ لَحْليبْ
هذا ثْني هذا خاصوُ طبيبْ
هذا اكْبيرْ بْحالي ف شِيبْ
هذي نَعْجة خاصْها لَحْبيبْ
****************
جابْ الله واحدْ ولْد الناسْ قالي دي هذا
بَعْدة قرونْ أكَُرْفدَة
مايَحَشَمْ همّ بَعْدة
كانو فْلوسي ف جيبي ولَوْ ف هودا
***************
جبتو ونَا فَرْحانْ
حلاتْ لي مولاتْ لمكاَنْ
قالتْ لِ بَعْدا قَتْبانْ وَزَنانْ
وَضلْعة مْحمَّرة ف الفَرانْ
وَنْكَحّلْ عِنينْ دُوكْ جيرانْ
وَمباركْ عيدكمْ يا لَخْوانْ