الصحة يا وعدي
لعبة الفهد الوردي

غير من هاديك لهاداك
ما كاين غير حيد بلاك

ما كاين غير اقلب شقلب
كلها فين يجدب

لا منضومة تبعوها
ولا ماسات غيروها

اللي جاء يشمر اكمامو
ويبغي ينفد اكلامو

حتى من هيئة الممرضين
داروا فيها يدين ورجلين

ها اللي ابغى يخلط ويجلط
ويخدم سياسة هز حط

السي فيق من القلبة
ما واعي حتى لعبة

اش اداك تمشط للقرع راسو
خلي كلها يلبس اقياسو

فين حدك باغي توصل
اخرتها اتفضح وتحصل

لا اهتمام بمستشفيات
ولا حتى عنايات

اركبك الشر والغرور
وفي اكلامك ديما تدور

اه كلها القى مجال فين يلعب
والضحية هما اولاد الشعب

واش ما ابقى معقول في لبلاد
كلها فين يصوب بجباد

اشهادتكم بالله اش هاد لحماق
حتى شي ما امنسق غير النفاق

انا واقلة غير تنحلم
ولا اخر واحد من يعلم

اش هذا اللخبطة
كلها وفي يدو خباطة

القضية فيها اكنور
من يوم ليوم اتبور

والله الى ابلادنا اعزيزة وغالية
وملكنا تتصدر امحبتو رتب عالية

وقتاش يزيان مغربنا
ويهنى بالنا وتقر اعيوننا

نتفادوا كل تجاوزات واهمال
ونعيشوا بكل حرية وراحة البال

الله يصواب الحال وتزيان الايام
وتتحقق لكل منا كل الاحلام

شعر مصطفى امزيل المعازيز في 9/10/2012
اقليم الخميسات المغرب

الله يصواب الحال وتزيان الايام
وتتحقق لكل منا كل الاحلام
العزيز مصطفى امزيل
بوح جميل سررت بتصفحه

والله الى ابلادنا اعزيزة وغالية
وملكنا تتصدر امحبتو رتب عالية

وقتاش يزيان مغربنا
ويهنى بالنا وتقر اعيوننا

أبدعت وصدقت أستاذ الفاضل مصطفى أمزيل،مزيدا
من العطاء أخي.

ممتن اخواني الفضلاء بشهادتكم
واشككم جميعا من كل قلبي
والله يعطيكم الصحة وطول العمر
يا ربي يا كريم
ويزيد في مدادكم ويكرمكم
هادي صرخة وصرخات اخرى
وباقي ما يتقال . كلشي ابدى تيريب
ومغربنا وملكنا في القلب
لكن اولاد لحرام اطغاوا على لبلاد ولعباد
الله يلطف بنا اللهم امين وسامحوني الى ما رديت على كل واحد بوحدو

اللي جاء يشمر اكمامو
ويبغي ينفد اكلامو
اخي الاستاذ الفاضل مصطفى امزيل أحييك على هذه الزجلية المعبرة
لك الشكر من كل قلبي

بارك الله فيك اخي العزيز
الاستاد سعيد محمودي
كل المودة والاحترام
احمد الله ان التقيكم مرة ثانية
بعد حكايتي مع النتمدى
الان الامور ولله الحمد تيسرت
والله لقد اشتقت لكم كثيرا

[