يالسّي عبد السلام

كلام الورد من ازجال الاخ بنعيسى الحاجي

كلامك ورد بهاه مزيَن لمكان
العين اللـي شافتـُو تبغيه

واللي بغاتـُو العين يحلى ذكـرُو ف اللسان
وحقــّـُو ف لمحبـّـة يدّيـــه

كلامك فن مساوي مضمون وعنوان
حرف وكلمة ب لمثنى بنيتيه

والصورة مذكرَة بالمعنى مزيـان
تحيـَر لعقل وبجمالها تغريه

لكلام يتعزرا ف شبابـُو ايلا كان
صواب ومعني يشالي بيديه

والعاشق ف لمرايا وجهـُو يبــان
بْشـارَة ويْمارَة ويلا ما قـد يخليـه

لكلام بعُشاقـُو عند الوالع دايـَر ثمـان
واللي ماعندُو فيه لــذة يبعّـد عليه

عبـارُو وافي وزايد وفى ف الميزان
ف كتابـي ندوْنـُو وبعنايتي نحضيه

ومرّة مرّة نباشرُو بلا نسيان
نقرا حروفـُو فيه نتمعّـن ونفاﮔـد فيه

سومُو غالي رد البال يا فـلان
وكل ما عْلـَى سومُو يتزاد الطلب عليه

. بنعيسى الحاجي