منتديات دواوين الثقافية و الأدبية

عْلاَشْ نْشُوفْكْ دِيمَا ســــــَاهـــِي
عْلاَشْ نْشُوفْكْ دِيمَا حْــــــزِيـــنْ
عْلاَشْ فْ الدّنْيَا كُلشِي زَاهِـــــي
وُ انْتَ..! تَعْصرْ فْ دَمْعْ لْعيــــنْ

علاشْ حْيَاتكْ صَارْتْ تَابْـــتـــــَة
يُومْكْ وَاحدْ غِيرْ يتْـــعَــــــــــــــادْ
عْلاَشْ الدّنْيَا فْ عينِكْ بَاهْتــــــــَة
عْلاَشْ..؟! رَاضِي تْكُونْ رْمَــــــادْ

شُوفْ لْصْبَاحْ كِيفْ يــنــــَـــــوَّرْ
وشَمْسُو كِي تْبَدَدْ لْغْيُــــــــــــــومْ
وُ النْدَى عْ لوَرْدَة يتـْكــــــــــــوَّرْ
كُلْشِي بْ لحَكْمَة مَوْسُـــــــــــــومْ

شُوفْ الطِّيرْ فْ سْمَاهْ طَايـــْـــرْ
شُوفُو كِيفْ يَنْفَضْ الرِّيــــــــــشْ
عْلاَشْ لُونْْكْ مَخْطُوفْ وحَايـــْرْ
رَفْرَفْ حتَّى انْتَ و عِِيــــــــــشْ

جُولْ فْ لقلوب بْ محَبَّة صَافْيَة
وُ جْنِي ب لْخِيرْ أَجْمَلْ احـسَاسْ
عَيشْ بْ ذْرَاعْ لْهَمَّة لْعَالْـــــــــيَة
تْكْسَبْ قِيمَة فْ عيون الــنّــَاسْ

دعوة جميلة للتفاؤل
تحيتي لك اخي عبد العزيز زكي

سعاد فايز كتب:: دعوة جميلة للتفاؤل
تحيتي لك اخي عبد العزيز زكي

هي دعوة للتأمل و التفاؤل ثم التفاعل
مع مظاهر الطبيعة الحيوية للإعلان عن انطلاق الحركة من صمت
الصمت
شكرا لك استاذتي الفاضلة على مرورك الطيب
لك مني كل التقدير و الاحترام

» م كان علاش
» علاش يـــــــــــــــــــــــــــــادنيا.........علاش
» علاش مسكين ؟
» علاش يا قلبي
» علاش خليت هجرك طال

منتديات دواوين الثقافية و الأدبية

منتديات دواوين الثقافية و الأدبية

علاش ...؟!