علاش مسكين ؟

ياك العيون مهدبين كبار
و الودنين يسمعو بالليل و النهار
عل الشقى ديما صبّار
و ف زادو ما يختار
لّي تقالت عليك
خفافت عليه
ديما يرضيك
ونتا تضرب فيه
فاتوه اهلو و حبابو
و العصا ديما ف جنابو
وحتى واحد ما درى ب لّي صابو
دموعو محبوسة ف عينيه
ولّي متقّل عليه
ما دّاها فيه
عيا ما يصبر
و صبرو ولّا دبر
قلبو مدبوح
وضهرو مجروح
وهوا ساكت و ما قادر يبوح
ما تسمع منّو كلمة لّا
واخّا ب المحاين اتّبلا
لوكان لسانو يحكي
كل لخلايق عليه تبكي
شحاااال من مرّة بقى فيّا
وتمنّيت لّي يعدّبو
يدوق من عدابو غيرشويّة
صابر ويشكي ل ربّو
ضرّو و نار الكيّة
يتحمّل سنين وسنين
يترجّى ف يوم العفو من لحنين
يالّي عند بالك راك تصبر
هوا طول حياتو صبّار
يخدم ب الليل والنهار
مع فلّاح و حمّال و عطّار
و ديما ضالمينو و يقولو : حماااار
علاش مسكين ؟؟؟

ــ سعاد فائز ــ
30 ماي 2012

أبارك لك ولنا هذا التميز اختي الفاضلة المبدعة سعاد فايز
قصيدة تستحق القراءة أكثرمن مرة
لك جل تقديري واحترامي

زجلية في قمة الروعة

طرحت فابدعت

دمت ودام عطائك

ودائما بأنتظار جديدك الشيق

لك خالص تحياتي

الاخت العزيزة سعاد فايز .زجليتك من نوع خاص تتحدث
عن مخلوق يقوم بعمله على اكمل وجه .لكننا لم ننصفه
مع الاسف
تحياتى اليك

محمد منار

التفاتة
رائعة
من انسانة رائعة
كتبت فابدعت
ايتها الصديقة
سعاد فايز
تحياتي وتقديري

زجلية رائعة بكل مقوماتها تختزل الكثير من المعاني أختي
العزيز سعاد فايز،وهذا الإحساس ينبع من القلب الطيب.
مزيدا من الرقي والعطاء أختي ورمضانك مبارك سعيد.

عيا ما يصبر
و صبرو ولّا دبر
قلبو مدبوح
وضهرو مجروح
وهوا ساكت و ما قادر يبوح




اتصلح حال المسكين
تزيان البلاد
ويلقى العوين
ينقص لعناد

تحياتي اختي سعاد