منتديات دواوين الثقافية و الأدبية

الحال المايل

يا لسانات العيب رخفو شوي

واش انا خوكم ولا براني

رميتوني للعار حتا فاض بي

و سقيتوني لمرار و شربت ما كفاني

هاد اللباس اللي تعيبوه لي

انا و الله ما لبسته بلعاني

لومو من حاك لي الثوب و خيطه علي

لومو من كان لي سباب في اللي بكاني

الحال المايل ما كان لي ف نية

و الطريق اللي نمشيه يا ريت ما الداني

من حي لحي نطيب و الطيب كية

و كل كية في اكتافي تقول من كواني

هدي صورة ما نظنهاش هي

من صابتني ف زحام و كرهها بداني

انا اللي صور كلها نقية

و الواهي م لقوال تحتها شقاني

يا الشارب م لمدام روحه السخية

يا القايل م لكلام بعض ما شجاني

ذوبتيني كيف من غير نية

بعد نام الساقي و اصحات لمعاني

» الحال
» إلا ضاق الحال
» التصبان عل حجر الحال..
» كلام الحال
» الحال يالحال