[ سرمضان هلالك يشير
هل بالبركة والخير
معاه اليمن والتيسير
هدية الكريم الرحمان

صيامك جنة ونور
فطورك بهجة وسرور
سحورك سكينة وحبور
يا شهر العزة والقران

قلبي ليك اشتاق
وانا لشهر مشتاق
فرحتك غمرات الاعماق
يا شهر الثوبة والغفران

يا رحمة رب الناس
يا نفحة تتدوقها الانفاس
يا هيبة كل لباس
يا شهر التقوى والايمان

ايامك تكبر افعيني
فرضك ابعينو ديني
نسال الله يحييني
انقوم بشهرك يا رمضان

النية مقصودة والمراد
صيامك مقام الجهاد
على الرديلة والعناد
يا شهر كل الاديان

امساكك كل صيام
صلاتك كلها قيام
يا سيد الشهور والايام
يا شهر الملك الديان

يا سلامة ليلة اكبر
خير من الف شهر
ليلة النزول والقدر
كرامة لام العدنان

تتنزل الملائكة والروح
تعمها سكينة اتلوح
ورحمة تداوي لجروح
بادن الغفور المنان

ياربي بصيامو اكرمنا
واغفر لينا وارحمنا
ولا تاخدنا الى اخطانا
واتجاوز عنا يا حنان


مصطفى امزيل المعازيز في 13/10/2002
اقليم الخميسات جهة الرباطلا زمور ازعير المغرب