فتوح رحبة لكلام
عزيز محمد بنسعد
يَا صَاحْ
حَرْفْ دْوَايْتِي بْسَبْعْ رْوَاحْ
رْعَى فْ مْعَانيهْ
وَعْطِيهَا للتَّدْوَاحْ
جْري طْوَالكْ
عْلى كَدْ وْرَاقكْ وَتْسَرَاحْ.
لَقْصِيدَة
تَاهِيَ مَحْرَكْ فَ حْصِيدَة
ويلاَ هَزُّوكْ رْيَاحْ
هَا الْمَجْبَدْ ، هَا التْبُوريدَة
كُونْ بَرْكَِي ، كُونْ سْنَاحْ.
هاكَّا آحْمِيدَة
لحْرُوفْ سْرُوتْ
وشْحَالْ من مَدَّاحْ
لقيناه رَاكَبْ على كلْخَة
بَارُودُو بَاردْ ، وَلسَانُو لحْلاَحْ
كَلنَا ليه بَّارَكْ العَوْدْ آ لْمَلْخَة
وُ بالفرحَة
بْغَى يْطيرْ بجنَاحْ.
آحْ منُّو يَا غنُّو آحْ
هُكَّاكْ ،،،،
وْقَرْقَبْنَا عْليهْ سْوَارتْ الرْبَاحْ.
الرئيسية
موضوع: فتوح رحبة لكلام للزجال عزيز محمد بنسعد 
الثلاثاء 17 يوليو - 0:00
