منتديات دواوين الثقافية و الأدبية

حروف الدنيا

<BLOCKQUOTE class="postcontent restore ">

الدينا غريبة وانت غريب فيها
تعيش حياتك ومهما تعيش ما تخلد فيها
لابد ما يجي يوم وتخليها
وكاع لي راك جمعتيها ما غادي ديها
هادي هي الدنيا
دنيا البارح ودنيا اليوم ودنيا ديال غدا
دنيا البارح عاش بنادم فيها سارح
ودنيا اليوم تزادت فيها المحاين والهموم
أما دنيا غدا محال واش تكون فيها اللذة
الدنيا مثلها مثل الثعلب
اليوم يمرح مع الدجاج
وغدا عليه يتقلب
الدنيا مثلها مثل الديب
داخل للقطيع مغطي بكسات الخرفان
فيه صفات المكر والخديعة وأصلو كديديب
هادي دنيا مكونة من حروف
حل عينيك معايا وشوف
راه كل حرف فيها معروف
بادية بألِفْ السُكون
الى تبعتي طرقو فالظلام تعيش مغبون
تابعهاه المثنية اللي هي اللام
وما بعد غبينة غير لسقام
وحرف الدال تصفى بالغربال
وتعزلات الذرية من عظم الكبال
وتزادت علة على علة وعطات فدان العلال
وحرف النون المسكون
شنو الفرق بين العاقل والمجنون
وبجوج فاضحين سر بنادم المخزون
وقبل اما تسالي الدنيا كانت حروفها من اليا
وانا قبل ما نسالي نتمنى من ربي يحقق رجايا
ويشيع النور بعد ما تضلمات سمايا
ويتحقق مرادنا وتكمل الغايا
وكيف قالو زمان اللخر مدخر
سلات الدنيا بألف المد
لازمك يا انسان على نفسك تعتمد
قبل ما الباب عليك يتسد
راه ما ينفع لا نفاق ولا حسد
ما ينفع غير المعقول والجد
بقلمي يوم الثلاثاء 2008/06/17

</BLOCKQUOTE>

شكرا استاذي عبدالغني الراقي على هذا الاختيار الموفق
تحيتي لهذا المبدع الزجال المقتدر ،صلاح الدين الغيواني ..صراحة راه غيواني بمعنى الكلمة

قرات له هنا هذه الحكمة :
دنيا البارح ودنيا اليوم ودنيا ديال غدا
دنيا البارح عاش بنادم فيها سارح
ودنيا اليوم تزادت فيها المحاين والهموم
أما دنيا غدا محال واش تكون فيها اللذة
الدنيا مثلها مثل الثعلب
اليوم يمرح مع الدجاج
وغدا عليه يتقلب

ابراهيم الرامي كتب:: شكرا استاذي عبدالغني الراقي على هذا الاختيار الموفق
تحيتي لهذا المبدع الزجال المقتدر ،صلاح الدين الغيواني ..صراحة راه غيواني بمعنى الكلمة

قرات له هنا هذه الحكمة :
دنيا البارح ودنيا اليوم ودنيا ديال غدا
دنيا البارح عاش بنادم فيها سارح
ودنيا اليوم تزادت فيها المحاين والهموم
أما دنيا غدا محال واش تكون فيها اللذة
الدنيا مثلها مثل الثعلب
اليوم يمرح مع الدجاج
وغدا عليه يتقلب

أخي الزجال إبراهيم الرامي
معك أحيي الزجال صلاح الدين الغيواني
وأتمنى له النجاح في مساره الأدبي
ـــــــــــ
للإشارة وللأمانة الأدبية لاأخفيك أن زجليتي المعنونة
ب "حليت عيني ف حروف الدنيا" وهي مدرجة بركن الزجل
كانت من وحي هذا النص وخصوصا من هذا البيت الثلاثي
الذي يقول فيه الزجال صلاح الدين
هادي دنيا مكونة من حروف
حل عينيك معايا وشوف
راه كل حرف فيها معروف
ــــــــــــ
شكر لك أخي إبراهيم على المرور الطيب
ولك كل المودة والتقدير

» مراكش تحتضن المهرجان الغيواني الأول مابين 20 و22 يوليوز الجاري
» تقديم ديوان " الكلمة والحرف والمعاني شموع النور فالدرب الغيواني"
» أنا ودليلتي ..والطريق..صلاح داود
» حمامة الأمس..صلاح داود
» ديوان صلاح عبد الصبور الاعمال الكاملة

منتديات دواوين الثقافية و الأدبية

منتديات دواوين الثقافية و الأدبية

حروف الدنيا للزجال صلاح الدين الغيواني