منتديات دواوين الثقافية و الأدبية

فاس المدينة ويامها الزينة

-5-

الخَطبة

قلنا المرة الماضية
أن خالتي هنية
والخاطبة ام العيد
تافقو يخطبو لسيدي عبد الغني
لالا شمس الضحى
الصبيحة المليحة
بنت لالا رقية
وسيدي احمد
لي عندو حانوت د الدهب ف القيسارية

مشات الخاطبة ام العيد
عند لالا رقية
لي كانت تا هيا ف العشوية
مشات عندها ل الدار
وقالت لها راني جايبا ليك شي خبار
يستاهل من الدهب قنطار
- ايوا الله يسمعنا خير
- خير وخير كتير
- شوفي يا لالا رقية
راني جايبا ليك عريس ل البنية
- ايلا كان بالصح راك تستاهلي هدية
- بلا ما نطوّل عليك
راه راجل غزال ما يتعاب
نتمنى بحالو لكل بنية من لحباب
راكي تعرفيه نتيا
سيدي عبد الغني
ولد لالا هنية
لي خدا الدكتورا ف ألمانيا
- إيوا بلاتي نوجدو شي صينية
وعاد شرحي ليا

- عرفتي يا لالا رقية
لقصارة لي دارت لالا هنية
بعد العشوية
كانت غير باش تختار عروسة
لي تكون عند ولدها محروسة
و الحنة د لبنات
دارتها باش يحضرو كٌاع لعويتقات
وتختار منهم لي بغات
وكانت بنتك لالا شمس الضحى
هيا لي رادت وحبات
- يبشرك بالخير يا ام العيد
شوفي غدا آجي تغداي معانا
الرفيسة بالتريد
وانا هاد الليلة نشاور سيدي احمد
وغدا نعطيك الرد

جا سيدي احمد ف العشية
وجداتلو لالا رقية الصينية
وقالت لو
- عندي ليك شي خبار يا العزيز عليا
كتشرح القلب
من داكشي لي تبغي وتحب
-الله يسمعنا خير
آتينا يا لالا بالتبشير
- إيوا البنية راها كبرات
واليوم راها تخطبات
- انا مازال كنشوفها صغيرة
دغيا ولات كبيرة ؟
- راها ليام دغيا كدوز
وسعدات لي بيها يفوز
- وشكون هاد العريس؟
- سيدي عبد الغني
ولد لالا هنية وسيدي ادريس
- إيوا بّاه تنعرفو راجل مزيان
وتاجر كبير من لعيان
وجدو سيدي عبد الجبار
كان راجل من لخيار
والولد كان ف ألمانيا كيقرا
-إيوا راه جا يا سيدي وجاب الدكتورا
وقال لميمتو شوفي لي شي مرا
وهيا شافت لبنات كلهم
ولقات بنتنا شمس الضحى هيا لالاهم
- إيوا لالا الله يكمل بالخير

فرحات لالا رقية وزغرتات
وقالت لبنتها
- مبارك ومسعود يا زينة لبنات
ودابا خاصك تكوني لالا ومولاتي
وتبيني حنة يديك
وكل ما تعلمتي

حشمات لالا شمس الضحى
وحدرات عينيها
حمارو خدودها كيف التفاحة
والسر بان عليها

لاغد ليه جات أم العيد
تغدات معاهم الرفيسة بالتريد
وقالت لها:
- إيوا شنو لخبار يا لالا رقية؟
- غير بشّري لالا هنية
و قولي لها مرحبا بيهم كاملين
على الراس والعين
- إيوا يا لالا هانا موجودة
والله يجمعنا فشي ساعة مباركة مسعودة

مشات ام العيد عند لالا هنية طايرة
وحملات لها البشارة
ولمرا ما بخلات عليها بالتدويرة
وقالت لها:
- ودابا لازم نبينو حنة يدينا
ونوجدو شي دفوع دايزو الكلام
يحمّر وجهنا
و يليق ب المقام

مشاو لعيالات بجوج يختارو التوابات
لي تعجب لالات البنات
دخلو على الرصيف
لي فيه كٌاع الشهيوات
من الخضرة و الفاكية
وحتى اللحيمات
ولكن هوما ما جاوشي يتقضّاو
دازو من الدريبة دالحوّاتين
لي خرجاتهم فباب السنسلة
بلاصت الخليع والبريوات
و الورقة دالبسطيلة والحليوات
طلعو وضارو ع اليمين
لقاو راسهم فراس الشراطين
كيتباعو فيها حويجات
دالعيالات وحتى التريبيات
وكل ما يحتاجوه النفايسات
ولكن هوما باغيين لي يليق ب العريوْسات
وصلو لباب مولاي ادريس
لي فيه شي حوانت معهودة
شراو منها الساري وحرير الدودة
ودخلو ل القيسارية
شراو تواب الجلالب و القفاطن
وما نساوشي الشرابل و المضام
باش اللباسي يكونو بالتمام
زادو لبلاصت الدهب
ولكن ماشي عند سيدي احمد
لالا هنية عندها تما ولد عمها
قصداتو باش ينصحها
ويعطيها شي حاجة لي تحمر وجها
اختارت خاتم صوليتير
لي يخلي العقل يطير
ودمليج دالحنش لي كان موضة
وبلا بيه ما يكونش
وخلخال غزال
يليق بمولات الخال

داو هادشي ل الدار
ولكن مازال ما يدّار
خاص الحليب والتمر
والخنشة دالسكر
وشي حولي معتبر

كملات الهدية
ومشاو يخطبو بنت لالا رقية
لي لقاوها موجدة حتا هيا
موجدا الشهيوات
والحليوات
وعارضة ع الخوت
والخواتات
والعمات
والخالات
لي منهم المرحبات
والعشاقات
والزغراتات
وكل وحدة ع النبي صلات

إيوا دازت عشية
تمناها كل وحدة ف البنات
وتستاهلها لالا شمس الضحى
مولات الزين والتبات
وسيدي عبد الغني
الوسطاني ف الوليدات

إيوا قولو لهلا يحرمنا
والعقبا لعندنا وعندكم
وعند كل البنات

هادي كانت الخطبة
دازت بعون الله
وموعدنا معاهم فالحنة
وبعدها العرس
إن شاء الله

يتبع....

- سعاد فائز -

وصف جميل و في منتهى الدقة .
أعتقد أن في الخطبة لا يحضر أهل العريس كل ما ذكرت لكن فيما بعد . إنك بهذا كله تخيفيف كل عريس مقبل على الزواج .
لك مزيدا من التألق .

حميد الصنهاجي كتب:: وصف جميل و في منتهى الدقة .
أعتقد أن في الخطبة لا يحضر أهل العريس كل ما ذكرت لكن فيما بعد . إنك بهذا كله تخيفيف كل عريس مقبل على الزواج .
لك مزيدا من التألق .

خويا حمبد هاداك راه الدفوع
ماشي الهدية
راها تمت الموافقة
باقي غير الحنة والعرس
وكلها على قد جهدو

اختي الفاضلة المبدعة المتألقة سعاد فايز
يتجسد الابداع دائما في قصائدك
شكرالك على هذا المجهود
بارك الله فيك
محبتي وتقديري لك

تستحقّين مسلسلا تلفيزيونا على تحفتك هده
لك تقديري المبدعة المتميزة سعاد فايز

قصيدة جميلة أختي سعاد من عادات وتقاليد
أهل فاس أنداك.

إوا يا لالا سعاد خليتني تابعة الدفوع ونسيت راسي .قصة جميلة جمال أسلوبك وحفاظك على التقاليد المغربية الأصيلة التي أصبحت تتلاشى شيئا فشيئا,قصيدة لا ينقصها إلا التصوير السينمائي كاملة مكمولة تبارك الله عليك .حفيظة نسيم

تحياتي الخالصة لك اختي سعاد فايز

سرد زجلي جميل
يجمع بين المتعة و الدهشة
انك هنا تضعين لبنات المجتمع المغربي الاصيل
مكوناته ، عاداته وتقاليده الرفيعة
مزيد من التالق والرقي
تحياتي

تحية للأخت المبدعة المقتدرة سعاد فايز على هذا السرد الحكواتي
إستمتعنا هنا بشلال زجلي ممتع
جميل هو هذا الإبداع اختي سعاد ...تبارك الله عليك
لك مني أجمل التحيات

الاخت الغالية
سعاد الفايز
قصيدة رائعة
تحمل بين طياتها كل معاني الابداع
دمت في رقى كما عهدناك
تحيتي وتقديري
اختك فتيحة رشاد

سعيد محمودي كتب:: اختي الفاضلة المبدعة المتألقة سعاد فايز
يتجسد الابداع دائما في قصائدك
شكرالك على هذا المجهود
بارك الله فيك
محبتي وتقديري لك

أشكرك اخي الفاضل
سعيد محمودي
على إطلااتك المشرقة
تحياتي العطرة

محمد بوبكر كتب:: تستحقّين مسلسلا تلفيزيونا على تحفتك هده
لك تقديري المبدعة المتميزة سعاد فايز

شكرا لك اخي محمد بوبكر
على تقديرك المتميز
حبذا لو وجدنا من يهتم بهذه الطقوس
في مسلسلاتنا المغربية
تحياتي العطرة

الضريسي الباز حسن كتب:: قصيدة جميلة أختي سعاد من عادات وتقاليد
أهل فاس أنداك.

الأجمل هي لاطلالتك اخي
الضريسي الباز حسن
على صفحاتي المتواضعة
شكرا لك

دائما بالجديد يا سعاد
تجعلينني أشعر بين سطور القصيدة بفاس اتجول
شكرا لك ولك التوفيق

Hafida Nasim كتب:: إوا يا لالا سعاد خليتني تابعة الدفوع ونسيت راسي .قصة جميلة جمال أسلوبك وحفاظك على التقاليد المغربية الأصيلة التي أصبحت تتلاشى شيئا فشيئا,قصيدة لا ينقصها إلا التصوير السينمائي كاملة مكمولة تبارك الله عليك .حفيظة نسيم

شكرا لك اختي حفيظة نسيم
على مرورك العطر
تحياتي

السعيد بن العيدود كتب:: تحياتي الخالصة لك اختي سعاد فايز

سرد زجلي جميل
يجمع بين المتعة و الدهشة
انك هنا تضعين لبنات المجتمع المغربي الاصيل
مكوناته ، عاداته وتقاليده الرفيعة
مزيد من التالق والرقي
تحياتي

شكرا لك اخي السعيد بن العيدود
على مرورك المتميز
تحياتي

ابراهيم الرامي كتب:: تحية للأخت المبدعة المقتدرة سعاد فايز على هذا السرد الحكواتي
إستمتعنا هنا بشلال زجلي ممتع
جميل هو هذا الإبداع اختي سعاد ...تبارك الله عليك
لك مني أجمل التحيات

شكرا لك أخي الفاضل
ابراهيم الرامي
على مرورك المتميز
تحياتي العطرة

استمعت بقراءتها
دام نبض قلمك لنا

تحياتي
د. السيد عبد الله سالم

فتيحة رشاد كتب:: الاخت الغالية
سعاد الفايز
قصيدة رائعة
تحمل بين طياتها كل معاني الابداع
دمت في رقى كما عهدناك
تحيتي وتقديري
اختك فتيحة رشاد

اشكرك اختي فتيحة رشاد
على ردودك العطرة
تحياتي لك

لك منى اجمل التهانى على هدا السرد الحكواتى الرائع فقد جعلتنى اعيش
مع مراحل الخطبة الفاسية بكل تفاصيلها واتجول فى ازقة المدينة القديمة
واكتشف سر اختصاصها فشكرا

استمعت بقراءتها
دام نبض قلمك لنا

تحياتي
د. السيد عبد الله سالم

احمد حمانو كتب:: دائما بالجديد يا سعاد
تجعلينني أشعر بين سطور القصيدة بفاس اتجول
شكرا لك ولك التوفيق

شكرا لمرورك المتميز
اخي حمانو
تحياتي

saydsalem كتب:: استمعت بقراءتها
دام نبض قلمك لنا

تحياتي
د. السيد عبد الله سالم

شكرا لك اخي السيد سالم
لمرورك الكريم

مسيعيد فاطمة كتب:: لك منى اجمل التهانى على هدا السرد الحكواتى الرائع فقد جعلتنى اعيش
مع مراحل الخطبة الفاسية بكل تفاصيلها واتجول فى ازقة المدينة القديمة
واكتشف سر اختصاصها فشكرا

الشكر لك عزيزتي فاطمة مسيعيد
على مرورك العطر
تحياتي

saydsalem كتب:: استمعت بقراءتها
دام نبض قلمك لنا

تحياتي
د. السيد عبد الله سالم

شكرا لك اخي سالم
لوضع بصمتك
تحياتي

» فاس المدينة ويامها الزينة ـ 6 ـ الحنة
» فاس المدينة ويّامها الزينة (2) الحمّام
» فاس المدينة ويّامها الزينة ــ 3 ــ العشْوِيّة
» فاس المدينة ويّامها الزينة -4- لقصارة
» فاس المدينة ويّامها الزينة (1) الدار البلدية

منتديات دواوين الثقافية و الأدبية

منتديات دواوين الثقافية و الأدبية

فاس المدينة ويامها الزينة-5- الخطبة