منتديات دواوين الثقافية و الأدبية

حناتا ياليام

العينْ شافْت وصلاتْ القلْب

والقلْب شَلْ عْظـــــــــاميِ

والعقَل وقفْ تَفكِيـــــــــرو

إلى بَلارجْ علاَ وبْنى عَشو

فينْ نهْرَبْ وراسي نديــرو

حنـــــــــــــاتا يالـــــــــيام

ولي لسعاتـو إجمعْ قَشــــو

حنــــــــــــاتا ياليـــــــــام

لي كان راسْ ولا رجْلينْ

ولي كان ف لبحرْ عَوامْ

طوعوه مسكيــــــــــــنْ

خليها وسير معها ب المهل

لاتعاندها راه تكبــّـــــل

عطات لرعاوي وصَالو

ب الكذوب والتلاوِي وَالو

علاش بلارج علا ورْتاخْ

ونشرْ اجناح لرْيـــــــــاحْ

كِ سمارْ معَ المــــــــــــا

تَحْنا مازاد كلمـــــــــــــة

لابدّ يـــــــــــوما مـــــــا

تجـــــــــــــود السمــــــا

ويخرجْ الحّبْ منْ ثرابو

وبان الخيروصحابــــــو

وتمشي ذيكْ الغمّــــــــة

والنورْ يهرّبْ الظلمــــة

8/3/1998

تحياتي الى العضيم امير الزجل زجلية جميلة بكل دلالتها يسعدني ويفيدني ان اقرء لك احترامي مريم الخباز

أخي وأستادي عبدالسلام البوعليوي تحيتي الخالصة
قصيدة حناتا ياليام أعجبتني بمعا نيها قصيدة رائعة أخي أشكرك

الله يعطيك الصحة اسي عبدالسلام ماعندي مانكول

أخي عبد السلام البعليوي

ليام حناتة ومايدوم حال
الصبر دوانا والله معانا
ما يخيّب ظن ويحن يحن
ـــــــــ
تحيتي ومودتي

مريم الخباز كتب:: تحياتي الى العضيم امير الزجل زجلية جميلة بكل دلالتها يسعدني ويفيدني ان اقرء لك احترامي مريم الخباز

الوديعة الاخت مريم الخباز شكرا على كلماتك البهية
احترامي

محمودي سعيد كتب:: أخي وأستادي عبدالسلام البوعليوي تحيتي الخالصة
قصيدة حناتا ياليام أعجبتني بمعا نيها قصيدة رائعة أخي أشكرك

العزيز السي محمودي سعيد سلام الله عليك

شكرا ايها الكريم وشكرا لمرورك الطيب
احترامي

عمهم كتب:: الله يعطيك الصحة اسي عبدالسلام ماعندي مانكول

المحبوب السي عبد الرشيد عمهم نطلب الله بان يمتعنا واياك بالصحة والعافية

عبد الغني الراقي كتب:: أخي عبد السلام البعليوي

ليام حناتة ومايدوم حال
الصبر دوانا والله معانا
ما يخيّب ظن ويحن يحن
ـــــــــ
تحيتي ومودتي

العزيز المحبوب السي عبد الغني الراقي
لك كل المحبة والتقدير

ايه اخويا حناتا ياليام
اشحال من واحد كان راس اولا رجلين
حناتا ياليام
شكون قال القاصح الين
وشكون قال القتال يولي احنين
وشكون قال لعمى يخيط الكتان
وشكون قال الزحاف انقز الحيطان
وشكون قال انا نمسك القلام
واتنلاقا مع هاذ العباقرة الكرام
مودتي الخالصة
اخي الستاذ البعليوي عبد السلام

ما عندي ما نقول ف هاد الزجلية
لحرف فيها مهبول
و المعني نجوم ف ليلها
جايلة ف سما دواويين
و ما زال تصول

تحياتي استادي عبد السلام البوعليوي
منصور لعميري

فتيحة رشاد كتب:: ايه اخويا حناتا ياليام
اشحال من واحد كان راس اولا رجلين
حناتا ياليام
شكون قال القاصح الين
وشكون قال القتال يولي احنين
وشكون قال لعمى يخيط الكتان
وشكون قال الزحاف انقز الحيطان
وشكون قال انا نمسك القلام
واتنلاقا مع هاذ العباقرة الكرام
مودتي الخالصة
اخي الستاذ البعليوي عبد السلام

الاخت العزيزة فتيحة رشاد سلام الله عليك
مشكورة أختي على مرورك البهي
احترامي

منصور لعميري كتب:: ما عندي ما نقول ف هاد الزجلية
لحرف فيها مهبول
و المعني نجوم ف ليلها
جايلة ف سما دواويين
و ما زال تصول

تحياتي استادي عبد السلام البوعليوي
منصور لعميري

المحترم الاخ النشيط منصور لعميري سلام الله عليك

مشكور يا أخي على اجتهادك في هذا المنتدى وحضورك المتميز اعانك الله
محبتي

» آش بغيتي كتر يا ليام
» آه منك يا ليام
» فين ذيك ليام
» درب ليام
» علاه يا ليام

منتديات دواوين الثقافية و الأدبية

منتديات دواوين الثقافية و الأدبية

حناتا يا ليام