علاه يا ليام
علاه هكذا ديـــــــما يا ليــــــــــــــــــام
الغالي فيك رخيص والعين مغمومـــــــه
غزالة خدود وردية ومشيتها حمــــــــام
ونار كادية ف قلـــــوب مهمومـــــــــــــه
جا الساعي وجات معاه الأخبــــــــــــار
واخباري أنا ف طي النسيان مردومــــــه
آرا يدك ويلا نطيرو مع الأطيـــــــــــار
نحلم ياقلبي و ننسى الدنيا المعدومـــــه
جفاني النوم واثقالت لحمال عـــلـــــــيا
ونطقت بجل لكلام وبقات كلمة موشومه
العيب فالناس ولا فيــــــك ولا فـــــــــــيا
بالغدر نعوتك وسيوفــــك موسومـــــــه
وسمتي ف نفوس الخلق غــــم وشــــــــيا
بقات ع الوجوه فكل زمان مرسومـــــــه

علاه هكــــــــــــذا ديـــــما يا ليـــــــــاـم
دايرة والداير فيــــــك عمـــــــــــــــــى
البسمة منك غيمة من الغيــــــــــــــــام
وحالي فيك حـــالة النجمة ف المــــــــــا
وعـــودك هــــوى سيرتك احــــــــــلام
الساير ليك عطشان ولباغيك بهمـــــــه
حديثك وناســـــة وحـــــــــب وغـــــــرام
وافعالك سيول شاربة دم الكرمــــــــــه
لي سقيتــــــــه فالعســـــــل نـــــــــــام
ولكرهتيه خليتيها فيـــــــه وشمـــــــــه
بعدي مني وخليني عايش بســــــــــلام
نعيش ونشم من الحرية نسمـــــــــــه
]