بين نخصـــــــــــة وجرحــــــــة


جفلات الفـــــــــــــــــــــــــــرحة

خلقت حــــــــــــــــــــــــــــروف...


سلات............... الخــــــــوف

الليل

والقال والقيـــــــــــــــــــــــــل

والعوافي..تابكة


ف الجوف




عفاك يالخارج مــــــــــــني


شد بيدي علمني...منك نتعلم

على عرشك نحكــــــــــــــــم

كن نعاسي فيك نحاــــــــــــــم

وريني وجه الخيــــــــــــــــــر

كن جناوحي بك نطيــــــــــــــر


هرق وادي......كن مايـــــــــــــا

راني مسافر...غـــــــــــــــــادي

سكد طريقي كنس مجــــــــــرايا





قتلني...بطلقة

لا تجمع عليا حلقة

لا تلسق ف لساني علقة


مازال...مــــــــــــــــــــــــازال


الظـــــــــــــــــــــــــــــــــــــــلمة

مازال الحلمة...مـــــــــــــــخنوقة.




مازال نعتر ف خيوط لعــــــــــــــدا

مازال لي بغيت مكبوض



بين قلب وكبــــدا

حرفي انت اصلي انت عرفي




كن عينية نكلك دمــــعـــــــة

كن جامع ودير مني صمـــعة

ودن فيا نهـــــــــــــــــــار الجمعة


بالليـــــــــــــــــــــــــــــــــل


شعلني قنديل


شعلني شمعـــــــــــــــــة

مازال الما.......... يسيل


مازال ماتنشف الدمعـــــــة

دخل سوقي واشريني




سلعة

مازال ماحمل الواد

مازال ماوجدت الغلة


مازال سلطان الحروف


بين الحساير




ضلعة


مازال وقت الحصاد

هذا
الراس محني عامر

وانا بين جبال لكلام

رافد ثقالي شاد طريقي

وشاداني



خلـــــــــــــعة

عفاك يامحبوب

اغسلني من الذنوب

كن ليا خـــــــــــــــــد

تسيل عليك دموع المغلوب

كن ضو

شعل شمعتك ف الكلوب


كن سلاح..

ويلا طلع النهار

ضو الشمس ماتطفيه


لرياح

والعرش يلا تزبر

بعد الليالي يلقاح

والجرح يلا تعقر

يعادي لجراح

وتفسد السلعة




دخلت عليك بالمحبة كن عل سبة

خرج مني ولا تهجرني

كن سلطاني

احكمني ولا تقهرني

لسقني لحم

وافرقني عضم

شعلني ولا تحرقني

سيرني ولا تسرقني

بكي بدموعي

بين عدياني واصحابي

كن سبابي...وامشي بركابي

كن ريش

غطيني ..دفيني

عيش

بروحي وشوف بعيني


هذا البحر ماهاج

وعنق النفس تقاج

والزمان عواج

وبنادم ضربه السعر

الهجاج


عفاك ياحرفي

نشويني

كاد الكانة وسكد لمجاج


عفاك كن عويني

نفوت هذ......لمواج


بقلم:

المفضل الياموني







ا[center]

فعلا لي بغى الزجل يصبر لقرص لحروف اخي وأستاذي الغالي المفضل الياموني راقني المرور من هنا واستمتعت بعدة معاني وحكم في هذه الزجلية الجميلة
كل التقدم أتمناه لك أخي

شد بيدي علمني...منك نتعلم

على عرشك نحكــــــــــــــــم

كن نعاسي فيك نحاــــــــــــــم

وريني وجه الخيــــــــــــــــــر

كن جناوحي بك نطيــــــــــــــر


هرق وادي......كن مايـــــــــــــا

راني مسافر...غـــــــــــــــــادي

سكد طريقي كنس مجــــــــــرايا

زجلية روعة مما كان
تبارك الله عليك

العزيز سعيد محمودي..

تحيتي القلبية...وشكرا على الوقوف..

دمت طيبا..

الى شفتي الحروف المعسلة ف الدروج،
عرف باللـي المفضـل ف المـصــرية..

الاستاذ الجليل الحسن ولد المسكين...

مرورك..يسعدني....

تحياتي لك على المجهودات التي تبدلها...

تحياتي لك على المحبة التي تكنها للابداع...والمبدعين..

تقدير الكبير لك واحترامي...دمت راقيا..

العزيز الحسن ولد المسكين شكرا جزيلا...على تشجيعك...

لك مثقال الارض من الاحترام والتقدير..

سلطان الومضة الزجلية والزجال البهي العزيز السعيد بن العيدود...تحياتي القلبية والصادقة....دمت على قيد الابداع الراقي..