إلا نحكي ليك على همومي راها شلا
ما تفارقني ف يوم ولا عني تتخلا
ياصاح أنت ف راحة و أنا لا
طلع انت ف سلوم
وانا ف بير ندلا
الفرح عندي احزان
وشرابي مرار
يسبب علة
ف قبري حي مدفون
قرد ف حلقة
والناس بي تتسلى
شكون انا واش نكون
واش من لباس به نتحلا
الراس بارد ماشي سخون
مسامح ف عنب وسلة
أش نحكي
ومنين نبدا
حكاية تبكي
تقطع الكبدة
منين نبدا منين
واش من الراس
أو من الرجلين
الراس شوط
باينين السنين
الرجلين واليدين مكبلين
تعماو العينين
تعجبن قلت
هذوك شكون ومنين