شكون نتيا
لي تحاسبيني علا أتاي لي فصينيا
و علا دموع لواقفة فرموش عينيا
لي تجمعليا حوايجي و تصفطني لدارنا بالهديا
و النعاس نسا راسو ومشا طاير فوق لخذيا
شكون نتيا
ليتقولي ليا
هزي راسك و فرحي ليا
راكي وليت شان و شلا من وليا
ليتقولي ليا
مالك حازن علا زمانك
وسما عطاتك من كال و جوهر بثريا
شكون نتيا
ليتقولي ليا
سير
ولاد توريا كاملين عاسين عليا
كيتسناو سبا باش ايقولو
هادي هيا لمزيا
شكون نتيا
لتلوح بيا
فليل و شموع قلبي بين اديا
وغواتكم فودنيا
شكون تكوني
شكون نتيا
قولي ليا
باش من سميا سماوك
و باشمن كنيا كناوك
باش تولي خطايا عليا
و اينا باب هو قصدك يا لأدميا
علا اينا كنز عينيك مرميا
عقت بيك يا دريا
غراتك الفلوس
غروك الذهوبات
وشان و الهمة باش محضيا
من دار للداار الهدرا
عليك نكثر و عليا
شكون نتيا
ماناشي قلب حزين
محدود حب بين بحرين
ماناشي سحابة
و لا ضبابة
و نتي علا وجهك غمامة
تالفة
راقدة علا
سمك غذدارة
أنا طير ، طار
و جانحي وتار
كنموت بقوال الجار
و كنضحك بنكات الاقدار

صيحة ابداعية جميلة .. نبرات شكراوية في منتهى الرقة ..
حس زجلي رفيع المستوى
تبارك الله عليك الاخت الزجالة مريم شكراوي

ولابد أن أطلب منك اعادة النظر في البيت التالي:

عقت بيك يا دريا

لأن كلمة " عقت" وكلمة "دريا" لا تدخل في نطاق اللسان الزجلي الدارج
ولك كل التقدير والاحترام