وقتاش؟
وقتاش نرتاح
امنبقاش نفكر
وقتاش يفوت لليل
ويطلع لفجر
غاديا سوايع كتجري
بلاما تشعر
وسوايع بدالة
مرّة تفرح
امرّة تقهر
شحال زوينة
امزينها يّام صغر
ل فات تندم عليه
لعزيز عليك يرحل
ويخلي دموعك تقطر
وقتاش هاد سفينة توصل
وقتاش هاد الناس دير لعقل
وقتاش علام هاد الشفارة ينزل
وقتاش سحور هاد لغدارة يبطل
وقتاش سم لعكرب ما يبقاش يقتل
وقتاش نسكت منزيدش نسأل
شلا هموم
اشلا حزان
شلا غيوم
اشلا ظلام
ما يشوف موراه
ل زاد لكدام
اما يشوف تحتو
من هز لعلام
الناس ماعادت تفرق
بين لحلال ولحرام
ولا عادت تميز
بين النور والظلام
فاز من تبع
طريق الحق
اخاب من تبع
طريق الشيطان