اللي عندو لبنات معرفوه باش مات

حفر الساس صحيح باش يطلع البني عالي
اللي ما يعرضك عالمايدة وما يعلمك فايدة رفاقتو غي زايدة
إلى طردك البخيل عند الكريم تبات
العام المزيان من الحرت يبان
اللي ضرباتو يدو ما يبكيش
الحماة حمى وأخت الزوج عقرب سامة
الدرهم البيض ينفع فالنهار الكحل
اش خاصك العريان قالو خاتم أمولاي

اللي ما جابتو محبة ما يجي بحزارة
ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
العروسة فالكرسي ما عرفوها عند من ترسي
بين الدرجة والدرجة يجعل ربي الفرجة
السفيه تينطق بلي فيه
اللي ما يخيط كساتو ما يطيب غداتو ما يحلب شاتو غير عزيه فحياتو

يموت الزمار ويديه كيلعبو
سيد الحاج حاج وامارة الحج عليه ولكن القمزة اللي كانت فيه باقا فيه
لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة
حماتي و جه الدلو, هي حارة و ولدها حلو
ما يحك ليك غير ظفارك ومايبكي عليك غي شفارك
اللي دارو من الزاج ما يرجمش الناس بالحجر
اللي ما خرج من الدنيا ما خرج من عقايبها
اللي خرج من دارو قل مقدارو
اللهم التبن والراحة ولا الشعير والفضيحة
الزين كيحشم على زينو والخايب غير الى هداه الله

ما عند المقص ما يدي من الضس
حتى زين ما خطاتو لولا
المعروضة فنهارها تجلس فدارها
المحلوبة حليب والمعصورة دم
الى خوك باعك ما تلوم الجار الى ما صانك
مجلسنى جلسة الخاوة وتحاسبني محاسبة العداوة
ضيافة النبي تلاتة ايام
الله يرحم من زار وخفف
اللي كيديرو ابليس فعام كديرو العكوزة فساعة

[/right]

هو دق علينا و حنا عرفناه آشنو ناوي و جاوبناه الكبير في الكركاع خاوي

أنا فهمّي ندادي والعيد لكبير جا يقلّع لي فوتادي

النهار المبارك عليك واحد يغديك و واحد يعشيك والنهار الصكع عليك واحد يدعيك و واحد يشهد فيك
التاجر إلا طلب لولاد كيجيه الريال والمسكين إلا طلب الريال كيجيوه لعيال
المزغوب حتى ليلة عرسو قصيرة
الرزق قليل و طاحت فيه دبانة
اللي تطوف ما تغزل الصوف
لا مزيانة للمنضر لا خفيفة كتسخر
حلفات العروسة ما تحب الحماة حتى تبياض الفحمة
اللي شفتيها بسعدها عرفها كتكمل من عندها
الدليل فالرجال هو اللي كيعطي الضحك لجار والهم لدار
عيني فيه و ما قديت عليه
مشات تجيب القزبر جات حاملة ب سبع شهور
أنا تنقول لحبيبي و حبيبي تايقول لحبيبو و كلامي فين ما مشيت نصيبو
المرا إلى شافت الشيب بحال النعجة إلى شافت الديب
وإلى فرصة قادمة مع أمثال شعبية كثيرة

شكرا اخي محمود على الفكرة الطيبة .جايعاونو فقبر مو هرب ليه بالفاس ///اللي دارها باديه يفكها بسنيه ///الزين يحشم على زينو والخايب غير الى هداه الله///لبس النعالة حثى ياتيك الله بالسباط///اش خاصك العريان كاليه خاتم امولاي///صفي تشرب///...

اللي قال ليك لا تقوليه
اللي قال ليك يقول عليك

الـدنـيـا فـانـية ؤالـحـال مـا يـدوم.....الـبـارح رمـضان و الـعـيـد الـيـوم

الـدنـيـا حضوض...واحـد دَى الخـدود و القـدود...ؤ واحـد دَى الـعظام و الـجـلـود

يـلا حـبـوك النـاس ارتـاح...ويـلا كـرهـوك تــهـنَـى

شـي نـاس بـحـال الـكـسكاس..إلا قـوى رزقـهم كـا يتغمضوا عـيـنـيهـم

أنـا طالـع فالعقبة والمغرب كا تكلم...نـغـزت الـحمـار تـهـرق الـشـعـيـر : ( يعـني اللـي زرب تـعـطل )

تـحـيـاتـي للـجـمـيع

الالي بغاك بغيه واللي كرهك سير وخليه.الزين يحشم على زينو والخايب غير الى هداه الله.حبيبك حبوا وكريهك لا تسبو.الزين خليقة والشعر لبيقة جمعي رجليك يابنت الحميقة.حرك الماء يبان العطشان .سد تلقى ماتحل .النهار الاول كيموت المش .جيب الكلمة حثى لراس الحمق وخليها .شد لي السدرة نبات .الايام ايامك اعويشة لبوس الكتان ورفود الرجال .الحر بالغمزة والعبد بالدبزة .