الى كل الاعضاء والمشرفي منتدانا دواوين التقافية والادبية
ضع مثلا شعبيا مغربيا، لنجمع أكبر موسوعة أمثال شعبية إلكترونية،
أرجو التفاعل مع الموضوع والمشاركة الكثيفة.
و لكم تحياتي
اللي بغى العسل يصبر لقريص النحل

أنا فهمو ندادي وهو اقلع فوتادي
الطير كيموت والدراري يلعبو به

وريه وريه والى مبغا سير وخليه
اللي اتسحر مع الدراري يصبح فاطر

1 الزلط سبابو عكس :
2 المعلقة بلا خبار ربي غير تطيح:
3 الي بغا كراب يصحبو فليالي:

هو كشكي من لعقر أولاخر كقوليه كديرين لوليدات.

الراجل هو الكلمة أما اللحية كينا حتى عند العتروس.

البكا من ورا الميت خسارة
الى كان صاحبك عسل ماتلحسوش كامل

تحية صادقة أستاذي سعيد محمودي
يقول المثل الشعبي: نية لعمى فعكازو
- صياد انعامة يلقاها يلقاها

دير النية و بات مع الحية
كلها و زهر تا فخلى دار بوه

لكلام الزين يشعل لفتيل ولا اخياب يورث اقتيل


قلت نتواضع وانقص من شان راسي فرشو لي الجمر كراسي

الا خوك في الدم خانك لا اتلوم الجار الى ما صانك

لاتمشي في اطريق الدعاوي وبزطامك خاوي

اللي ابغاك ابغيه واللي كرهك لاتكون عدو ليه


اللي لبلاه الله بالسعايا يقصد الديور لكبار


انت مير وانا مير شكون يقيد لحمير


علامت الدار من باب الدار

عيش انهار اتجيب اخبار

طاحت الصمعة علقو الحجام

اتعلمو لحسانة في روس ليتاما

اكفي البرمة على فمها اتطلع البنت لامها

العبد في التفكير و الرب في التدبير
الفياق بكري بذهب مشري
كون كان الخوخ كيداوي كون دوا راسو
عز الخيل مرابطها
ضربة بدمها ولا كلما بسمها
لي بغا طامو يحل بزطامو
لي عضو لحنش يخاف من الحبل
لعمش عند العميان سيدهوم
الحر بلغمزة و العبد ب دابزة
ليبغاها كلها يخاليها كلها
لي مارضا بخبزة مايرضا بنصها
ضرب لحديد محدو سخون
حماتي للاتي و مراتي مولاتي

اللي خلعاتو الخايبة يكتب و اللي عجباتو الزينة يخطب

الزين يلا زين الخنشوش اما الشعر مغطيه الكنبوش
سعداتك يا اللي خسرتي مالك على الايتام و نجيتي راسك من جهنم
لكره راسو ماتسينو يبغيك ماحن فى راسو وباغيه يرضيك

شافو حشومي و درويش قال هنا فين نتربع او نعيش
ايلا جروا لسانك ما توريهم الوسخ اللي فيه . لبسو خاتم الحكمة شطحو بلاما تعريه


مع من شتك مع من شبهتك

العروبي و الفار ما توريه باب الدار

المنحوس حتى ليلة عرس قصيرة
المنحوس يلقى العظم ف الكبدة
الكلام الراشي تيدير للقرود الشواشي
توسد عقلك وتغطى بلسانك الا بغى يعريك سد عليه بسنانك
المعروضة فنهارها حسن تبقى فدارها
عمر الشطاح ما ينسى هزة الكتف
اخدم يا صغري لكبري و وفر يا غنايا لفقري
جزار و معشي بالي فلت
اللي ما عندو بنات ما عرفو حد باش مات
وقت الحرث والمحنة عليا كان معول وقت اجنة فيا مابق يساول

ميحس الجمرة غي إلي يعفس عليها
إلي هارب منك ماتجري وراه
اللبن والزبدة كانو خواتات ما فرقوهم غير لعيالات
نارو على منقارو

مشات عيشة تجيب القزبر ,جات حبلا من سبع شهور ,لو كان ما خافت من الطلاق , كون بقات حتى يخلاق

قالت العودة :من نهار اللي ولدت ,ما كليت علفي وافي , ولا شربت مايا صافي

مول الطاحونة ,والسانية ,ولمرا التانية حتى ليلة ما يبات هانية

لي بغا طامو يحل بزطامو
نوصيك يا حارث الدوم الدوم كثرو لفاعو الدم ما ينفع الدم يا ويل من خانو دراعو
الفم المسدود ما دخلاتو دبانة
ما تعرف العدو من الصديق غير فالشدة والضيق
اللي ما يخيط كساتو, يطيب غذاتو, يحلب شاتوموتو خير من حياتو

كل ما لعبت المعزة فقرون الجبال كتخلصو فدار الدباغ
المذبوحة كتضحك على المسلوخة .جات مقطوعة الراس قالت الله ينجينا من هاذ الناس
اللي عندو عندو، إلى ماكانش فعقلو فجيبو

مولمليح باع أراح، أمولعيان صوتو باح
حوت ياكل حوت وقليل الجهد يموت
هاك ابوه رجليه جابوه
الغربة كتلوح حتى لبلاد الشلوح
اطلع تاكل الباكور انزل شكون قالهالك
الحمار مخبي ووذنيه برّا
السوق اللي ما تسوقوا تبيع فيه جلابتك
الشي من الشي نزاهة و الشي من قلت الشي سفاها
اللي تيركب لحصان كل الناس اتوسعلو لمكان
كان راجلي واصبحت انعشقو
مول البنات ما يبات هاني

اليد اللي طعمتنا الحلال تيكونو ناسها قلال
خود بنت قرابة و لا تاخد بنت غرابة
المراة الحرة ما تاكل غير من يد رجلها
دابزو يا الفيران على خميرة الجيران
جبنا القرع يونسنا عرى راسو و هوسنا
الي ما عندو هم كتولدو لو حمارتو.
هبيل تزوج هبيلة وتهنات القبيلة
هبيلة وقالوا لها زغرتي
يا ذا الزمان يا الغدار يا كسرني من ذراعي
نزلت من كان سلطان وركبت من كان راعي
العين صعيبة تتقتل الكسيبة وتخوي الزريبة
ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
اللي كتولد في مكة كيجيبو خبارها الحجاج
تبع الحمار اعلمك الشهيق ولا النهيق و لا خرجان الطريق
إلي واخذ القرد على مالو يمشي المال ويبقى القرد على حالو.
شي فالضحك غرقان اشي فالهم حيرانالنهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
اللي عندو شي ما هناه
اللي قراه الذيب حفظو السلوكّي
أنا نسولو على أخبارو، أوهوا يعاود لي خبار جارو
سولو المعلم منين تعلم، قاليهم : علمني الزمان اللي ما يدوي ولا يتكلم

لا تسرج حتى تلجم واعقد عقدة صحيحة
لا تتكلم حتى تخمم لا تعود لك بفضيحة
الصاحب لا تلاعبه والناعر لا تفوت عليه
اللي حبك حبه أكثر واللي باعك لا تشتريه

بركم وأنا نفهم

صبق الميم ترتاح
والله و ماقفلته لا فور
كون سبع و كلني
قالو كحز قالو ضهر الحمار قصيف

تنخال و جاب

كما حرت الجمل دكو
الفقيه لتسنينا بركت دخل الجمع بالغت

المذبوحة كتضحك على المسلوخة .جات مقطوعة الراس قالت الله ينجينا من هاذ الناس