بغيت نسلم لصحاب السلام
ونحكي حكايتي مع لصحاب
حكاية ما يوفيها كلام
ما يشفي مداد علتها
او تنسيها ايام
فين صديت نلقى زهر مرشوش
عل لعتابي يغري برمية لقدام
وقت ما رميت قدم
تحول شوك ومسامر تدمي
وتدعي وتشكي بارية من اللي كان
نسهى حتى نسهى ونعاود الزطمة
ونعاود الكية ونعاود نحلم بالسعد يزيان
حكايتي مع لصحاب
حكاية كل يوم بماية
اليوم هاني قريت عليكم سلام
او غدا نكمل لحكاية
****************
جيت نسلم لصحاب السلام
ونوفي لاهل لمقام
كان سعدي مراية
متبوعة فيه بصحاب الغاية
داروني فدارة مطموسة البداية
مرهونة النهاية
قمقوم مرصود بلدون وشمع
مطمور ففيافي تخلع
وتقول جن انايا ؟!!
هذا ما شاط علصاحب
قنطار هم ورطل ضباب
تغاشات ساعتي اوجات برجاية
او جيت نسلم لصحاب السلام

بغيت نكتب ليك حكايتي
خفت تخوني كلماتي
و نبدا في الكلاام نخرج و ندخل
ظنيت بلاه غادي تهرب الحروف و مني تمل
بديت تانفكر و نخمم
قلت ماغاديش نخضع ليها و نستسلم
خديت ورقة و هزيت قلم
و بديت نخطط و نكتب و نرسم
رسمت سماء بالنجوم ساطعة
رسمت مرا مضروبة و لراجلها خاضعة
كتبت قصة من قلب نابعة
قصة بنت لشرفها بايعة
قصة بنت في الذل و الهوان قابعة
قصة ..سياسية ..للمواطن قامعة !!
---
جويريا رحال

انا جيت عجبني حالي
لقيت اهل الحرف بداو لكلام
قلت نبدا بالسلام
ونوكف لعلام
الهم كلها وهمو
دير فيدك حرف سيف
رفعو ولمو
وقطع سمو
اجي عندي وحل ودنيك
تصنت ليا ونتصنت ليك
خوي عليا لي عندك

وفرش ليا نخوي عليك
هاك يدي وارا يديك
ومن العديان الله
ينجيك

علقني مرايا
وشوف راسك

وسد المعنى واشبع نعاسك

بغيت نخطط و نكتب
هزيت قلمي و لقيتو خوا من المداد
بديت نسب و نضرب
حرقت القلم و رجعتو رماد
شافوني هلي و حبابي
قالوا ويلي البنت جهلاات
ماعرفوش بحالي و عدابي
و بحياتي اللي ف الباطل تفنات
------
جويريا رحال

حكيتي مغزى الحكاية
حكايتي صبحت رواية
حكيتي على قنديل طفى
حكايتي على من علا وطغى
حكايتي على مشموم دبال
حكاتي ننساها موحال
حكايتي طويلة طويلة
حكايتي الف ليلة وليلة
حكايتي ظلام فظلام
حكايتي عليها عجز الكلام

//
//
// ... صقر الجنوب ... //
... تحية عامة لأعضاء المنتدى

حكايتي مع لقراية كشفات
والحرف يتركل فعقلي وينادي
بيك نتشغل وبيا يمكن تشتاغل
على اليوم لميمة تكبر وتدادي
عييت فحديثي معاه نعدل
نروم يمين نلكاه بالعكس قصادي
ومن جيهة الشمال عليا يتبدل
يتعصب ويزيد لي جمرة لعنادي
كرهت لعناد وكرهت نسركل
وكرهت نهز هموم بلادي
امتا حالي يصد على هاذ الذل
ونقرا ويعودعقلي لرشادي

وأنا حاولت أن أقاضي الزمان
فإذا بي أجد القاضي أب الأيام
ولما حاولت سحب ما قدمت
بحبال الهموم كـُبلت

جيت على ضهر الروح

على جنحانها متكي سابقني حرفي

مرسول عسل لدواخي يشفي

يلا شكيت عليه نشكي

ويلا بكيت عليه نبكي

ويلا ضحكت نضحك


من جوفي

ويلا رزمت نديروا عكاز عليه نوكي

ياصحابي لا تلموني يكفيني الهم

والظلم



وقساوة الزمان

ياصاحبي رني تايه وشلى

طرقان

يلا تقلقت لا تحسبني

رني زعفان

ماكنت ذيب نعض

رني انسان

يكفيني الدم لي يسيل مايبان

تكفيني لي نعيشها من لمحان.