من الروح الى الروح لكم :





1/

مين تا نحل عيني على الكمرة

تا يرجف قلبي

وتنقرا كلامها

على صدر الليل..

ومين تا ينعس الليل ف عيني

تا نخبع ورقة

مكتوب فيها كل يوم حكاية..


------------------------
------------------------

يالله معايا يا حروف حمامية زجالة

شاركوني ف قولة لا لا..

وآه ومليون آه

للناس العاشقة للحروف الصادقة..

اختكم ف الحرف :

سعاد ميلي

شاعرة الوجدان


[b][b]

2- حكايتي مع السما
-----------------------------

قلت لليل :

را الشمس جاية

قالي:

انت القمرة و هي العافية..

كوني انتِ

وخلي حرفها ليها..

كوني الما

بلا ما تطفيها..

و كوني السما

بلا ما تغطيها..

را السما زرقة

والشمس كاتحليها..

والقمرة عروسْ

مْــزينة الليل بيها..

.......................وانا ورقتي يا اختي تحت الوسادة
الله يعلم وقتاش اتقادة
بغيت نكتب
والحروف هربات
تاهت في السما صافيا وليا مظهرات
حياتي كلها امام عيني تسرحات
نسبت اهلي واحبابي وعلاقتي بهذه الحياة
اتفكرت الورقة الي تحث الوسادة
اش درت لنفسي ولداك وهذا
الرعشة ملكنتي
واتفكرت لقاء الله تعالى
عمري اليوم خمسين
والكثير منو اتقادة
واش وفيت لكيال
نترجاو رحمة الله تعالى

لحكاية ولات بيك الف حكاية و حكاية
المنجل و لفاس
ماقدرو يلقاو لحل
حيث لي ف راس صعيب يتبدل
و ثورة لكلام
من لفم للجام
جايلة تبرغم
تحكي حكايتها
و لي ما سمع غادي يندم
راه الحر بالغمزة
واخا مابقاو عبيد
راه باقي الدبزة

ل

تفوتْ حكاية وتفيق حكاية
وحنا معزبين في ارض الله
كل يوم تشوف وجهك ف لمريا
ماعمل وما اوشم زمان وخلاه
من كثرت الهم انا هزيت الريا
وسيف غمد وسلم وتدخل جواه
لي شف ف الدنيا كفاية
ولباقي عالم به الله

قريت لي كتبتو الخوت
وكلت نعوم معاكم زعما بحال لحوت
وناكل معاكم شي فاكيا لديدة بحال التفاح وتوت
و راسي كالي دوز وفوت
هدو ناس لمعاني و والكلام المنعوت
اما انت غير سير تكلس فلقنوت
وتسنا امتا تجيك لموت

مولاي اعلي تلقْ لقنوت
وساوي معنا لكلام
ولاطلْ علينا وتفوت
لاتكلس لاتقابل تخمام
مرحبا بيك احنا غير خوت
كلها إجرْ ميمْ ولامْ
وتطلع ْ لقصيدة فنها منحوت

بغيت نسلم لصحاب السلام
ونحكي حكايتي مع لصحاب
حكاية ما يوفيها كلام
ما يشفي مداد علتها
او تنسيها ايام
فين صديت نلقى زهر مرشوش
عل لعتابي يغري برمية لقدام
وقت ما رميت قدم
تحول شوك ومسامر تدمي
وتدعي وتشكي بارية من اللي كان
نسهى حتى نسهى ونعاود الزطمة
ونعاود الكية ونعاود نحلم بالسعد يزيان
حكايتي مع لصحاب
حكاية كل يوم بماية
اليوم هاني قريت عليكم سلام
او غدا نكمل لحكاية
****************
جيت نسلم لصحاب السلام
ونوفي لاهل لمقام
كان سعدي مراية
متبوعة فيه بصحاب الغاية
داروني فدارة مطموسة البداية
مرهونة النهاية
قمقوم مرصود بلدون وشمع
مطمور ففيافي تخلع
وتقول جن انايا ؟!!
هذا ما شاط علصاحب
قنطار هم ورطل ضباب
تغاشات ساعتي اوجات برجاية
او جيت نسلم لصحاب السلام